Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> زیرو ڈارک تھرٹی: پاکستانیاں لئی شرمندگی دا کارن؟

زیرو ڈارک تھرٹی: پاکستانیاں لئی شرمندگی دا کارن؟

وچار ڈیسک
June 26th, 2013
4 / 5 (4 Votes)

پاکستانی سینمے گھراں نے القاعدہ دے آگو اُسامہ بن لادن دی تلاش تے پاکستانی شہر ایبٹ اباد وچ ایہناں دی کمین گاہ امریکی اپریشن بارے بنائی جاون والی فلم ’’زیرو ڈارک تھرٹی‘‘ دی نمائش توں انکار کیتا پر ایہہ فلم ڈی وی ڈی اُتے ملک بھر وچ عام ملدی اے۔ بی بی سی دے محمد حنیف نے ایہہ اندازہ لاون دی کوشش کیتی اے کہ کیہ پاکستانی ایس فلم نوں بے عزتی یاں شرمندی دا کارن مندے نیں یاں فیر ایہناں دے نزدیک ایہہ حالات تے واقعات دی صحیح تصویر اے۔
پاکستان وچ سنسر بورڈ تے سینمے دے مالک اجیہیاں فلماں دے مداح نہیں جیہناں وچ ملک دی خفیہ ایجنسی آئی ایس آئی دا ذکر ہووے تے بھاویں اوہ ذکر کیویں دا ای کیوں نہ ہووے۔
پچھلے ورھے ای سنسر نے ایسے وجہ توں بھارتی فلماں اُتے پابندی عائد کیتی سی۔
’اک تھا ٹائیگر‘ اُتے پابندی دی وجہ توں بھارتی خفیہ ادارے دے جاسوس دا آئی ایس آئی دی حسین جاسوساں نال عشق بنی تاں ’’ایجنٹ ونود‘‘ وچ بھارتی جاسوس دی آئی ایس آئی دے جاسوساں اُتے جِت ایہدے اُتے پابندی لوائی گئی۔
پر ایہناں پابندیاں دا نتیجہ وڈی گنتر ی وچ پاکستانی عوام دے فلماں دیاں دُکاناں ول رُخ کرن دی صورت وچ نکلیا جتھے اوہناں نے ایہناں فلماں نوں ’’پائریٹڈ‘‘ ڈسک خرید کے ویکھیا۔
فلماں ویکھن دے بعد ایہہ لوک ایہی کہندے سُنائی دتے گئے کہ ’ایہناں بھارتیاں نوں ویکھو ایہہ سدا ساڈے خفیہ اداریاں دے پچھے پئے رہندے نیں۔‘
پر ایہی لوک ملک بھر وچ ہون والے ویاہواں وچ ایہناں پابندیاں دا شکار فلماں دے گانیاں اُتے نچدے وی نیں۔
بھاویں ’زیرو ڈارک تھرٹی‘ وچ آئی ایس آئی دا کوئی چنگا یاں مندا ایجنٹ نہیں وکھایا گیا پر فیر وی فلماں دے تقسیم کاراں نے سنسر حکام نوں زحمت دینا وی گوارہ نہیں سمجھیا تے رضاکارانہ طور تے فلم تقسیم ای نہ کرن دا فیصلہ کیتا۔
وجہ ایہی سی کہ ایس فلم وچ ایس بندے دا تذکرہ سی جو پاکستان دے خفیہ اداریاں لئی باعث شرمندی بنیا اے۔ اُسامہ بن لادن پاکستانی فوج دی مرکزی اکیڈمی دے نیڑے قیام پذیر رہیا تے پاکستان دے خفیہ اداریاں نوں ایہدی اُکا ای خبر نہ ہوئی۔
تے جدوں امریکی فوجی اک رات ایہنوں گرفتار کرن دا مشن لے کے ایبٹ اباد اپڑے تاں اودوں وی پاکستان دی طاقتور فوج ’سُتی رہ گئی‘
ایس لئی شاید ایس فلم نوں ساڈی معصومیت دی توہین سمجھیا گیا اے۔
ایس فلم وچ تشدد دے متنازع مناظر اُتے تاں دنیا بھر وچ گل ہوئی پر پاکستان وچ ایہہ موضوع بحث نہیں۔
جیہناں نے ایہہ فلم ویکھی اے اوہناں نوں ہُن تاں پتا چل گیا اے کہ ’واٹر بورڈنگ‘ پانی دے کسے کھیڈ دا ناں نہیں تے ایہہ کہ اک دن جے تُسیں تشدد کرن دے ماہر ہووو تاں اگلے دن تُسیں واشنگٹن وچ اک اہم بیوروکریٹ بن سکدے او۔
ایس فلم توں اک ہور سبق ایہہ ملدا اے کہ دنیا دے تحفظ لئی تہانوں اک بالٹی پانی‘ کُجھ نقاب پوش افراد تے اسلام اباد وچ تعینات اک امریکی سوانی درکار اے جو کمپیوٹر دی ورتوں جاندی ہووے۔
اعتراضات تاں شروع ای اودوں ہوندے نیں جدوں فلم تشدد دے مراکز توں باہر نکلدی اے تے لوکاں نوں تشدد کرن والے ماہر دے اپنے باندراں نوں آیس کریم کھوان اُتے ای اعتراض نہیں۔
اک اجیہی فلم جیہدے وچ انتہائی سطح دے تشدد نوں روزمرا دے دفتری کم ورگا وکھایا گیا ہووے‘ ایہدے تے پاکستان دی روز مرہ زندگی دی غلط تصویر کشی دا الزام کُجھ صحیح نہیں لگدا پر اصل بحث ایہی اے۔
غیر ملکی فلماں اُتے اعتراض کرن دے ماہر پاکستانیاں نوں ’زیرو ڈارک تھرٹی‘ دی شکل وچ اک خزانہ ہتھ لگا اے۔
پاکستانی ناظرین دے وڈے اعتراض کُجھ انج نیں کہ اسیں تاں عربی نہیں بولدے نہ ای اسیں ’’ہومس‘‘ کھاندے آں تے اک عام خیال ایہہ وی اے کہ فلم وچ امریکی سوانی دے دعوے دے اُلٹ ساڈے ایتھے بہت زیادہ سپورٹس یوٹیلٹی وہیکلز وی نہیں۔
’زیرو ڈارک تھرٹی‘ دا پاکستان‘ تشدد دے مراکز‘ سی آئی اے دے کمپیوٹرز‘ عربی بولدے‘ پشتون رہنما تے انگلش بولدے عرب رہنماواں اُتے مشتمل اے۔
پر کیوں جے تشدد دے ماہراں نوں وی اخیر اپنے مراکز توں باہر نکلنا پیندا اے ایس لئی تہانوں پاکستان دی اصل زندگی دی جھلک وی وکھالی دے جاندی اے۔
بظاہر ایہہ اک اجیہیا ملک اے جتھے حملہ آور امریکی سفارتکاراں اُتے سرعام فائرنگ کردے نیں‘ قانون نافذ کرن والے اداریاں دا اہلکاراں نوں بزرگ افغان سوانی دا روپ دھارنا پیندا اے تے اک مقامی بندہ جو فقرہ بولن دی اجازت اے اوہ ایہہ اے کہ ’’سانوں سفید فاماں دی شکل پسند نہیں‘‘
یاں فیر جدوں امریکی اہلکار اُسامہ بن لادن دے حواس باختہ اہل خانہ نوں سمجھان دی کوشش کر رہے ہوندے نیں تاں لوک دور کھڑے عربی وچ کُجھ آکھ رہے ہوندے نیں۔
سینیئر کالم نگار ندیم ایف پراچہ نے اپنے اک مضمون زیرو آئی کیو تھرٹی وچ ایہناں تعصباں دی فہرست تیار کیتی اے جو امریکی تے پاکستانی اک دوجے بارے رکھدے نیں۔
جتھے امریکیاں دے خیال وچ اک بزرگ پاکستانی سوانی سبزی دے نال خود کش جیکٹ وی خرید کے لیا سکدی اے اوتھے بظاہر پاکستانیاں دے خیال وچ امریکی بچیاں نوں فارغ اوقات وچ ڈرون طیارے بنانا سکھایا جاندا اے۔
ایہہ سبھ اپنی تھاں پر فلم دا جائزہ لین والے اک فرد نے تاں ایہدی حمایت کیتی اے۔
نعمان انصاری لکھدے نیں کہ جتھوں تیک دو مئی دو ہزار یارھاں دے واقعات دا تعلق اے ’زیرو ڈارک تھرٹی‘ سانوں بے وقوف تے نااہل ثابت کردی اے جو کہ اسیں ساں تے ہے وی آں۔
فلم وچ آئی ایس آئی اک مہمان ادکار دے طور تے ساہمنے آندی اے جدوں فلم دی مرکزی کردار سوانی اہلکار اپنے افسر نوں کہندی اے کہ ایہدا بھانڈا پاٹن دی ذمے وار آئی ایس آئی اے۔
نوجوان صحافی تے بلاگر صبا امتیاز دے خیال وچ ایس عام فہم جملے وچ ایہہ بیان دتا گیا اے کہ ایہہ احساس ای ایس فلم دی ’ٹیگ لائن‘ ہونی چاہیدی اے۔
(شکریے نال: بی بی سی اُردو)


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels