Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> سنجے دت نے ڈائریکٹر اں یقین دوایا اے کہ اوہ جیل جاون توں پہلے اپنیاں فلماں پوریاں کرن گے

سنجے دت نے ڈائریکٹر اں یقین دوایا اے کہ اوہ جیل جاون توں پہلے اپنیاں فلماں پوریاں کرن گے

وچار ڈیسک
March 27th, 2013

ممبئی:سنجے دت نے تناں فلماں دے ڈائریکٹراں نال اپنے گھر ملاقات کیتی تے جیل جاون توں پہلے ایہناں دی فلماں دی باقی شوٹنگ مکمل کراون دا یقین دوایا۔
سنجے دت نے اپنیاں تن وڈے بجٹ دیاں فلماں 'زنجیر، پی کے تے پولیس گیری' دے ڈائریکٹراں نوں اپنے گھر ملاقات کیتی تے تِناں فلماں دی شوٹنگ جیل جاون توں پہلے مکمل کراون دا یقین دوایا۔ سنجے دت دے اک سنگی نے دسیا کہ سنجے دت دی فلم ''زنجیر'' دی شوٹنگ لئی 3 دن، ڈائریکٹر راج کمار ہرانی دی فلم ''پی کے'' لئی 7 دن تے ''پولیس گیری'' دی شوٹنگ مکمل کراون لئی 17 دن لگن گے۔
سنجے دت دے سنگی دا کہنا اے کہ اوہناں نے اپنی فلم دے ڈائریکٹراں نوں کہیا کہ تناں فلماں دی شوٹنگ تے ڈبنگ مکمل کر لئی جانی چاہیدی اے کیونجے پتا نہیں اگے کیہ ہوئے گا۔ سنجے دت تِناں فلماں دی شوٹنگ ایسے ہفتے شروع کر دیون گے کیونجے عدالت دے فیصلے موجب ایہناں نوں 4 ہفتیاں وچ اپنے آپ نوں پُلس دے حوالے کرنا اے۔
سنجے دت نوں 21 مارچ نوں بھارتی سپریم کورٹ ولوں 1993 وچ ممبئی دھماکیاں وچ پھسے دہشت گرداں نال غیر قانونی اسلحہ لے کے گھر وچ لکاون دے الزام وچ 5 سال دی قید سنائی گئی اے جیس وچ 18 مہینے قید اوہ پہلے ای بھگت چکے ہین تے ہُن ایہناں نوں جیل وچ ساڈے تِن سال ہور لنگھاونے پین گے۔
سپریم کورٹ دے فیصلے دے بعد توں ہی سنجے دت دے گھر ایہناں دے یاراں بیلیاں تے بالی وڈ دے ایکٹراں نے ایہناں نوں ملنا شروع کر دتا اے، رنبیر کپور، ودیا بالن تے فرحان اختر نے وی سنجے دت نال ایہناں دے گھر ملاقات کیتی۔






Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels