Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> چترکار پکاسو دی معشوقہ دی تصویردی نیلامی

چترکار پکاسو دی معشوقہ دی تصویردی نیلامی

وچار ڈیسک
February 7th, 2013

معروف چتر کار پکاسو دی محبوبہ میری تھیریس والٹر دی پینٹنگ لندن دے مشہور نیلام گھر سودبی وچ دو کروڑ چھیاسی لکھ برطانوی پاؤنڈ وچ وک گئی۔ چتر کار پکاسو نے ایس پینٹنگ نوں 1932ء وچ بنیا سی تے ایہدا ناں 'باری کول کھلوتی سوانی' رکھیا سی۔ منگل دی رات نوں ہوون والی نیلامی وچ ایہہ پینٹنگ خاص طور تے توجہ دا مرکز سی جیہدے و چ سودنی دی ہیلینا نیومین نے خوشی دا وکھالا کیتا۔
'ایہہ فنکار دا اُچیچ نظریں آؤن والا فن پارہ اے اسیں خوش آں کہ اینا حیرت بھریا تے زبردست پورٹریٹ دی ایڈی وڈی بولی لگی' ایہناں دا کہنا سی کہ خاص طور تے ایہناں ورھیاں وچ اسیں لوکاں نوں پکاسو دے میری تھیریس دے پورٹریٹ ول پرتدے ہوئے ویکھیا اے۔ پکاسو اپنی معشوقہ نوں ''گولڈن میوز'' سنہری دیوی دا ناں دتا سی۔ اوہ 1923ء توں 1927 ء تک اکٹھے رہے۔ ایہناں دناں وچ سمبندھ اوس ویلے شروع ہوئے سن جدوں پکاسو پینتالی تے میری صرف ستارھاں ورھیاں دی سی۔ ایہناں دوواں دی مایا پکاسو دے ناں دی اک دھی وی سی پر جدوں پکاسو نوں ڈورا مار دے ناں والی دوجی معشوقہ ملی تے دوویں وکھرے ہو گئے سن۔
ایس نیلامی وچ ہور وی کئی مہنگیاں پینٹگیاں نیلام ہوئیاں۔ آسٹریا دے چترکار دا وی اک فن پارہ اک کروڑ 40 لکھ پاؤنڈ وچ وکیا۔ایس توں اڈ وی کئی مشہور فن پاریاں دیاں شوقیناں نے لکھاں پاؤنڈ وچ فن پارےے خریدے۔




Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels