Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> امیتابھ بچن نوں انکم ٹیکس چوری دا نوٹس

امیتابھ بچن نوں انکم ٹیکس چوری دا نوٹس

وچار ڈیسک
January 9th, 2013
0 / 5 (1 Votes)

بھارت دی سپریم کورٹ نے ٹیکس چوری دے معاملے وچ بالی ووڈ دے مشہور اداکار امیتابھ بچن نوں نوٹس جاری کیتا اے۔ عدالت نے ایہہ نوٹس محکمہ انکم ٹیکس دی اک درخواست تے جاری کتیا اے۔ محکمہ انکم ٹیکس دا کہنا ہے کہ امیتابھ بچن نوں اپنے ٹی وی شو ''کون بنے گا کروڑ پتی'' لئی ایک کروڑ چھیاسٹھ لکھ روپے دا کافی پہلے دا باقی انکم ٹیکس ادا کرنا اے۔
محکمہ دا کہنا اے کہ ایہہ ٹیکس سن دوہزار دو تے تِن دا اے۔ ایس توں پہلاں جولائی دو ہزار بارہ وچ امیتابھ نوں ممبئی ہائی کورٹ توں ایس وقت سوکھ ملی سی جدوں عدالت نے ایس معاملے نوں ساہمنے لیاؤن والے انکم ٹیکس کمشنر دی اپیل نوں ختم کر دتا۔ ہائی کورٹ نے اپنے فیصلے وچ انکم ٹیکس ٹریبیونل دے فیصلے نوں برقرار رکھدے ہوئے کہیاسی کہ ٹیکس دا تعین کرن والے افسر ولوں وی انکم ٹیکس ایکٹ دی دفعہ 147 دے ہیٹھ شروع کیتی گئی کارروائی غیر مناسب سی۔
ہائی کورٹ دے فیصلے دے خلاف محکہ انکم ٹیکس نے سپریم کورٹ دا بوہا کھڑکایا سی۔ تیرہ اکتوبر 2002ء نوں امیتابھ بچن نے اپنی آمدنی چودہ کروڑ ننانوے لکھ دسدے ہوئے ریٹرن فائل کیتا سی۔ پر 31 مارچ 2003ء نوں امیتابھ نے تبدیلی بعد ریٹرن داخل کردے ہوئے اپنی آمدنی اٹھ کروڑ یارھاں لکھ دسی سی۔ ٹیکس دے تعین دا عمل مکمل ہون توں پہلاں ای امیتابھ نے تیرہ مارچ 2004ء وچ تبدیلی نال ریٹرن واپس لے لئے۔
ایس معاملے وچ 29 مارچ 2005ء نوں ٹیکس دا تخمینہ لاؤن والے افسر نے 2002ء ، 2003 لئی امیتابھ دی آمدنی چھپن کروڑ یارھاں لکھ روپے ظاہر کیتی تے انکم ٹیکس دی دفعہ 147 دے ہیٹھ ایہناں دی بقایا ادائیگی لئی بھیجیا۔
امیتابھ بچن نے چھے وچوں پنج وار ''کون بنے گا کروڑ پتی'' ٹی وی شو دی میزبانی کیتی اے۔




Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels