Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> بابا بُلّھے شاہؒ دی نذر

بابا بُلّھے شاہؒ دی نذر

ڈاکٹر رزاق شاہد
September 7th, 2011
5 / 5 (1 Votes)

اُٹھ بُلھیا قبریں ستیا! تک دیس دے جو عنوان
اج سبھناں لچھڻ بدلے، سبھ مطلب دے انسان

اج اوہو پئی اے کھیڈ دی، سے کھیڈاں وَنو ون
توں لایا سی جیس کڑی دا، کدے کتڻ ول دھیان

جیہناں چرخے تند نہ پاوڻی ، کیہ کتڻا اوہناں داج
اوہ سوہرے گھر نوں بھُلیاں، نت پیکے دے گُڻ گاڻ

اج راکھے دیس پنجاب دے، سب ڈاکو بڻ گئے آپ
اج جیندے جی نیں ماردے، ہُڻ دیندے نہیں کرلاڻ

اج جھوٹھے دی اے مانتا، اج جھوٹھ دا ہر تھاں راج
اج جھوٹھ دی چودھر ویکھ کے، پئے سچّے وی شرماڻ

اج وچ سارے سنسار دے، ہے دیس میرا بدنام
اج تھاں تھاں ہولی خون دی، اج دیس اے لہو لہان

اج خود کشاں دے حملے، نت دی بڻ گئے ریت
اج رب رسول دے نام تے ، کئی بے کس کُٹھے جاڻ

اج کھیڈ اے مرنا مارنا، اج موت بڻی اک کھیڈ
اج رت پاڻی توں سستی، اج سستا ہے انسان

اج تھاں تھاں فتوے وکدے، اج دین اے کاروبار
اج دین دے ناں تے ظالماں، رکھی اے کھول دکان

اسلحے دے ڈپو بڻ گئے، سن امن دے جیہڑے گھار
اج اوتھے کھیڈ برود دی، سی جتھے پاٹھ قرآن

اج ہر کوئی ناڈو خان ہے، اج مرضی دے قانون
بن جرموں دار چڑھاوندے، ہُڻ کنج کوئی بلّھ ہلاڻ

اج بُلّھیا! بڻ کے بہہ رہیا، بندے دا بندا رب
اج چوراں ملیاں چودھراں، اج گنڈی رن پردھان

اج ڈاکو چور لٹیریاں ، رل انّھی پائی فیر
اج سارے لٹ لٹ کھاوندے، اج ہر کوئی پریشان

توں شاہد اچی بول نہ تے چپ کر ٹھپیا رہو
''تینوں کافر کافرآکھدے، توں آہو آہو کہو''


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels