Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> دبنگ نے بالی وڈ آسکرز دا میلہ لٹ لیا

دبنگ نے بالی وڈ آسکرز دا میلہ لٹ لیا

وچار ڈیسک
June 28th, 2011

انسپکٹر چلبل پانڈے '' سلمان خان '' دی فلم نے بالی وڈ آسکر ایوارڈ دا میلہ لٹ لیا ہے۔ دبنگ نوں سال دی سب توں چنگی فلم، سب توں چنگے مرد تے زنانی پلے بیک سنگرز، سب توں چنگے میوزک ڈائریکشن تے سب توں چنگے اسکرین پلے دے ایوارڈز دتے گئے۔

بالی وڈ آسکرز '' انڈین انٹرنیشنل فلم اکیڈمی '' دے ایس بارویں سالانہ ایوارذ دا اکٹھ پہلی واری کینیڈا دے شہر ٹورانٹو وچ رکھیا گیا سی۔ ابی ناؤ کاشف دی ڈائریکشن وچ بڻی فلم دبنگ پچھلے سال ستمبر وچ ریلیز کیتی گئی سی۔ فلم وچ ولن دا کردار نبھاؤڻ والے سونو سود نوں وی چنگی کلاکاری تے ایوارڈ دتا گیا۔

ایس فلم دی کہانی اک انج دے من چلے تے شوخ انسپکٹر سلمان خان دے دوالے گھمدی ہے جیہڑا بہتی قانون دی پابندی نہیں کردا تے اک شرابی دی دھی نال پیار کرڻ لگ پیندا ہے۔ سلمان خان نے ایوارڈز دی ونڈھ دے اکٹھ وچ رلت نہیں کیتی۔ کہیا جارہیا ہے جو اوہ کرینہ کپور دے نال '' باڈی گارڈ '' ناں دی ایکشن تے رومان بھری فلم دی شوٹنگ وچ رجھے نیں۔

دبنگ وچ '' منی بدنام ہوئی '' گیت تے ممتا شرما دے حصے وچ سب توں چنگی زنانی پلے بیک سنگر دا ایوارڈ آیا۔ ایس توں اڈ فلم مائی نیم از خان نوں سب توں چنگی کہانی، چنگے گیت، چنگے کلاکارہ '' شاہ رخ خان تے چنگی ہدایت کار '' کرن جوہر دے ایوارڈ دتے گئے۔ کرن جوہر دا ایوارڈ لیڻ توں مگروں کہڻا سی پئی اک انج دے مسلمان دی کہانی تے ایہہ فلم بڻاؤڻا اوہناں لئی بہت جذباتی معاملہ سی جیہڑے امریکہ وچ شامت دا شکار ہوندے نیں۔

کرن موجب ایس فلم توں آپوں اوہناں نوں برداشت تے محبت دا درس ملیا۔ شاہ رخ خان، انیل کپور، دیول خاندان دے بندیاں توں اڈ آسکر ایوارڈ ملے ہوئے ہلیری سوانک تے کیوبا گوڈنگ جونیئر سڻے درجناں ہور فلمی ستاریاں نے ایس اکٹھ نوں عزت بخشی۔ بالی وڈ دے کنک خان نے چھ سال مگروں کسے ایوارڈز شو وچ رلت کیتی ہے۔ شاہ رخ اج کل گوڈے دی پیڑ نال پئے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels