Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> 2011 گھاٹے دا سال، 4 مہینیاں وچ 5 کلاکار چلاڻا کر گئے

2011 گھاٹے دا سال، 4 مہینیاں وچ 5 کلاکار چلاڻا کر گئے

وچار ڈیسک
April 23rd, 2011

ایہہ سال پاکستان شو بزنس لئی بہت گھاٹے دا ثابت ہو رہیا ہے۔ 4 مہینیاں وچ 5 کلاکار مر گئے نیں۔ 3 فروری نوں خیام سرحدی، 30 مارچ نوں لیاقت سولجر، 11 اپریل نوں مستانہ، 15 اپریل نوں ببو برال اتے 22 اپریل نوں معین اختر ایس جہان نوں چھڈ گئے۔ سببیں ایہناں پنجاں کلاکاراں دیاں بہت ساریاں گلاں اک دوجے نال رلدیاں ملدیاں ہیڻ۔

ایہناں پنجاں کلاکاراں وچوں چار کلاکار لیاقت سولجر، مستانہ، ببوبرال اتے معین اختر مخولیئے کلاکار سڻ۔ دو کلاکار معین اختر اتے ببو برال جمعے دے دیہاڑے چلاڻا کر گئے۔ 3 کلاکار معین اختر، لیاقت سولجر اتے خیام سرحدی دل دے روگ پاروں مرے جدوں کہ دو کلاکار مستانہ اتے ببو برال نوں جگر دا روگ لے گیا۔

خیام سرحدی دی عمر 62 ورھے اتے معین اختر دی عمر 61 ورھے سی۔ ایہناں دوہاں نوں پرائیڈ آف پرفارمنس ایوارڈ ملے۔

ببو برال دی عمر 47 ورھے اتے مستانے دی عمر 57 ورھے سی۔ خیام سرحدی اتے معین اختر دوہاں دے دو دو ویاہ سڻ۔ 3 کلاکاراں لیاقت سولجر، ببو برال اتے مستانے نے غریبی وی کٹی۔ دو کلاکار معین اختر اتے لیاقت سولجر نے کراچی وچ اتے دو کلاکاراں خیام سرحدی اتے ببو برال نے لہور وچ دم دتا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels