Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> بالاں دا جگت جاڻو پروگرام 'سیسمی سٹریٹ' پاکستان وچ

بالاں دا جگت جاڻو پروگرام 'سیسمی سٹریٹ' پاکستان وچ

وچار ڈیسک
April 11th, 2011

لہور دے دو جوڑے پیرزادہ برادران بالاں دے جگت جاڻو پروگرام 'سیسمی سٹریٹ' نوں امریکی امداد نال پاکستانی ڈھنگ وچ لیاؤڻ دا منصوبہ بڻا رہے رہین۔ اوہناں دا ٹیچا ہے پئی امریکی امداد نال پاکستان دے بالاں نوں پڑھایا جاوے۔

اوہناں نوں ملن والی امداد اوس 20 ملین ڈالر دا انگ ہے جیہڑا امریکا نے پاکستانی بالاں لئی ٹیلی وژن منصوبہ چھوہڻ لئی دتا ہے، جیہدے وچ اردو زبان وچ ٹی وی اتے ریڈیو دے پروگراماں دیاں 78 قسطاں بڻائیاں جاڻ گیاں اتے 600 کلاکاراں دے نال اک لائیو شو کیتا جاوے گا۔

ایہہ آکھیا جا رہیا ہے پئی دو امریکی کردار ست نویں پاکستانی کرداراں دے نال باقاعدگی نال آیا کرن گے۔ سکرپٹ لکھڻ وچ مدد کرن والے بھرا عمران دا آکھڻا ہے پئی اک ڈاڈھے زنانی کردار دی اگوائی وچ کڑیاں نوں دسیا جاوے گا پئی ایس مرداویں سماج وچ زنانیاں کیویں اگے ودھ سکدیاں ہیڻ۔

شو پاکستان دے اوہناں علاقیاں وچ کیتے جاندے ہیڻ جتھے ٹی وی اتے ریڈیو نہیں ہے۔ پاکستان دی ادھی آبادی پڑھی لکھی نہیں ہے اتے سکولی عمر دے 10 بالاں وچوں 3 بال سکولے نہیں جاندے۔ پر شو چھڑا لکھائی پڑھائی لئی ہی نہیں ہیڻ سگوں ایہہ اسلامی اصول وی سکھاؤندے ہیڻ۔

"جہاد دے معنے بہت سارے رنگاں اتے اک نکے جہے پکھو اتے اک پھل نال وی سمجھائے جا سکدے ہیڻ۔ کسے نوں ولن بنن دی لوڑ نہیں۔ ایہہ گل ہے جیہڑی اسیں بالاں دے دماغاں وچ پاؤڻا چاہوندے ہاں پئی جہاد اودوں شروع ہوندا ہے جدوں تسیں آپڻے ول ویکھدے ہو۔"


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels