Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> لہور وچ پُتلیاں دا بین الاقوامی میلہ

لہور وچ پُتلیاں دا بین الاقوامی میلہ

وچار ڈیسک
March 24th, 2011

پاکستان دے ثقافتی دارالحکومت لہور وچ اج کل پتلیاں دا اک بین الاقوامی میلہ جاری ہے۔ ایس ست دناں دے میلے وچ ہندوستان، سری لنکا، پاکستان تے ناروے دے 3 درجڻ توں بہتے کلاکار حصہ لے رہے نیں۔

آرٹ نوں ودھاؤڻ لئی کم کرن والی اک غیر سرکاری ستھ رفیع پیر تھیٹر ورکشاپ دے پربندھ وچ اِکی مارچ نوں پتلیاں دے عالمی دیہاڑے دے موقعے تے شروع ہوڻ والا ایہہ میلہ 27 مارچ تیکر جاری رہوے گا۔

لہور دے آلے دوآلے رفیع پیر کلچرل کمپلیکس وچ ہوڻ والے ایس میلے وچ رنگا رنگ پتلیاں دے نماشیاں توں اڈ پتلیاں دی اک نمائش دا وی پربندھ کیتا گیا ہے۔ ایس میلے وچ پراڻیاں لوک کہاڻیاں رنگ برنگے کپڑیاں والیاں پتلیاں راہیں پیش کیتیاں جا رہیاں نیں۔ ایہہ پتلی تماشے ایس میلے وچ آؤڻ والے بالاں دے موہ دا مرکز بڻے ہوئے نیں۔ ناروے توں آئی ہوئی اک فنکارہ ماتھے برانٹ نے ایس میلے نوں سلاہیا تے کہیا پتلی تماشیاں راہیں بالاں دی سکھلائی دا کم وی کیتا جا سکدا ہے۔

رفیع پیر تھیٹر ورکشاپ دے فیضان پیرزادہ نے دسیا ایس میلے دا مقصد آرٹ دی گھٹ ہوندی ہوئی اک قسم یعنی پتلی تماشے بارے جوان نسل نوں دسڻا، ایس کلا نوں محفوظ کرنا تے ایہدے نال جڑے فنکاراں نوں ہلا شیری دیڻا ہے۔

اوہناں موجب پاکستان وچ سرکاری پدھر تے آرٹ دی انج دیاں قسماں نوں ودھاؤڻ لئی کجھ وی نہیں کیتا جا رہیا۔ اوہناں موجب انج دے میلیاں وچ کئی ملکاں توں آئے ہوئے فنکاراں نوں اک دوجے دا کم ویکھڻ تے نویاں نویاں شیواں سکھڻ دا وی موقع ملدا ہے۔

سری لنکا توں آئے ہوئے اک فنکار روہانا دیوا نے دسیا جو سیاست توں اُچا ہو کے جے گل کیتی جاوے تے انج دے میلے لوکاں نوں نیڑے لیاؤڻ تے وسیب نوں ترقی دیڻ وچ مددگار ثابت ہوندے نیں۔ ایہہ گل دسڻ جوگ ہے جو ات واد دے نشانے تے آئے ہوئے پاکستان وچ انج دا میلہ واہوا چر پچھوں ہو رہیا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels