Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> وینا ملک نوں طالبان دی تڑی

وینا ملک نوں طالبان دی تڑی

وچار ڈیسک
March 12th, 2011

پاکستانی کلاکارہ وینا ملک نے آکھیا ہے پئی ہندوستان دے ٹی وی شو وچ رلڻ پاروں اوہنوں طالبان نے جانوں مارن دی تڑی لائی ہے۔

ایہنیں دنیں وینا ملک ہندوستان وچ ہے جتھے اوہ اک ٹی وی چینل تے کرکٹ کمنٹری دے پروگرام دی پروہڻچار ہے۔ وینا ملک دے مینیجر دا آکھڻا ہے پئی اوہنوں ایہہ تڑی ہتھ نال لکھی اک چٹھی راہیں دتی پئی ہے۔

ایہہ چٹھی تحریک طالبان دے کسے آگو مولانا احمد مسعود ولوں لکھی گئی ہے جیہدے وچ اوہنے آکھیا ہے پئی اوہنے وینا ملک نوں سزا دیڻ دا فیصلہ کر لیا ہے۔

وینا ملک نے ستمبر توں دسمبر تائیں ہندوستانی ٹی وی چینل کے اک شو 'بگ باس' وچ رلت کیتی سے جیہدے کجھ حصیاں تے پاکستان دے کجھ مذہبی اتے ہور لوکاں نے اعتراض کیتا سی۔

وینا ملک دے مینیجر کولوں پچھیا گیا پئی ایہہ چٹھی وی سستی مشہوری کرواؤڻ دا کوئی نواں ہتھکنڈہ تے نہیں ہے جیہڑا عام طور تے کلاکار اپناؤندے نیں؟ وینا ملک دے مینیجر دا آکھڻا سی پئی ایہہ سدھا سدھا وینا ملک دی جان نوں خطرہ ہے۔ مینیجر موجب وینا ملک دا آکھڻا ہے پئی اوہدی کسے گل نال کسے نوں دکھ ہویا ہے تے اوہ معافی منگدی ہے پر نال ہی اوہنے آکھیا ہے پئی اوہنوں کوئی ڈر نہیں ہے اتے اوہ پاکستان ضرور پرتے گی اتے حال دی گھڑی اوہدا کسے دوجے دیس وچ سیاسی پناہ لیڻ دا کوئی ارادہ نہیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels