Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> پنجابی تے فیض احمد فیض دی سوویں ورہ گنڈھ دا اکٹھ

پنجابی تے فیض احمد فیض دی سوویں ورہ گنڈھ دا اکٹھ

وقاص بٹ
March 11th, 2011

مانچسٹر توں۔ اج کل فیض احمد فیض ہوراں دی سوویں ورہ گنڈھ دے اکٹھ ساری دنیا وچ ہو رہے نیں۔ ولایت وچ فیض احمد فیض سوویں ورہ گنڈھ کمیٹی نیں کئی شہراں وچ ایس بارے اکٹھ کرنے متھے نیں۔

پنج( 5) مارچ نوں مانچسٹر وچ فیض احمد فیض ہوراں دی سوویں ورہ گنڈھ دا اچیچا اکٹھ ہویا۔ ایس اکٹھ وچ گھٹ توں گھٹ چھ (6) بلاریاں نیں فیض احمد فیض دی پنجابی وچ لکھی ہوئی نظم ' رباّ سچیاتوں تے آکھیا سی' دا حوالہ دتا یاں ایس نظم دے کجھ حصے پڑھے۔ دو (2) بندیاں تے ایہہ پوری دی پوری نظم بڑے چاہ نال پڑھی تے نال ایس دے بارے گل بات وی کیتی۔ ایس اکٹھ وچ فیض احمد فیض ہوراں دیاں ہور نظماں تے غزلاں بارے گل بات وی ہوئی پر جدوں کوئی بلارا فیض احمد فیض ہوراں دی پنجابی نظم ' رباّ سچیا توں تے آکھیا سی' پڑھدا تے ہال وچ بیٹھے بہت سارے لوگ اوس دے نال نال اُچّی اُچّی ایہہ نظم پڑھدے۔ ہال وچ بیٹھے بہت سارے لوکاں نوں ایہہ نظم زبانی یاد سی۔ میرے کول بیٹھے اک سجڻ نوں وی اے نظم یاد سی۔ جد میں اوہنوں پچھیا، جی تہانوں فیض احمد فیض ہوراں دیاں ہور کہیڑیاں شیواں یاد نیں تے اوناں دسیا، جے اوناں نوں فیض احمد فیض ہوراں دی اردو شاعری تے زیادہ یاد نہیں پر اوناں نوں فیض احمد فیض ہوراں دا پنجابی کلام 75% زبانی یاد اے۔
َ
میرے ولوں فیض احمد فیض ہوراں دے پنجابی کلام زبانی یاد ہوڻ دی وجہ پچھڻ تے اوہناں مینوں دسیا جے اوہناں فیض احمد فیض ہوراں دی ساری شاعری کئی کئی واری پڑھی پر پنجابی شاعری آپڻے آپ ای یاد ہوگئی۔ اوہناں آپڻی گل وچ وادھا کردیاں دسیا جے مینوں لگدا اے جیویں اج تک مینوں پرائمری سکول ویلے دے ماں بولی وچ یاد کیتے پہاڑے یاد نیں ایس طرحاں فیض احمد فیض ہوراں دی میری ماں بولی اچ کیتی شاعری وی مینوں سمجھ وی آؤندی اے، دل نوں چنگی وی لگدی اے تے آپ ای یاد ہوگئی اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels