Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> ہندی فلماں وچ پنجابی گیتاں دا کامیاب تڑکا

ہندی فلماں وچ پنجابی گیتاں دا کامیاب تڑکا

وچار ڈیسک
March 11th, 2011
5 / 5 (1 Votes)

ہندی فلماں وچ پنجابی گیتاں دی رلت اک کامیاب تجربہ ثابت ہی نہیں ہویا ہے سگوں ایس 'تڑکے' نال فلمی کاروبار وی واہوا چمک اٹھیا ہے۔ اج بالی ووڈ دی خورے ہی کوئی انج دی فلم ہووے جیہدا اک ادھا گیت پنجابی وچ نہ ہووے، نہیں تاں جیہنوں ویکھو پنجابی گیت نوں گودی لیڻ دی فکر وچ ہے۔

فلمی دنیا وچ ڈوہنگی نظر رکھڻ والیاں دا کہڻا ہے جو پنجابی بول، گیتاں نوں تے کامیاب کردے ہی نیں، اوہناں دے سر تے فلم وی ہٹ ہوجاندی ہے۔ ایس رجھان دے ودھڻ دی بس ایہو وجہ ہے۔

ساڈی گلی۔۔۔، رولا پے گیا۔۔۔، لونگ دا لشکارا۔۔۔، تے ایویں ، ایوں۔۔۔ ورگے پنجابی گیت اجکل ہر کسے دے مونہہ تے نیں۔ ویاہ ہووے یاں کوئی ہور اکٹھ یاں فیر ڈسکو کلب ہر تھاں ایہو گیت سڻے تے سڻائے جاندے نیں۔

مبصراں دا کہڻا ہے ،' پہلوں پاپ موسیقی وچ پنجابی موسیقی دی رلت ہوندی سی تے ہڻ ہندی موسیقی وچ پنجابی موسیقی دی رلت ہورہی ہے۔ ایہدا صرف ایہو کارن ہے پئی لوک اوہناں نوں پسند کرن لگے نیں۔ ہر عمر دے لوک ایہناں گیتاں نوں سڻ کے تھرکڻ لگدے نیں'۔

ہندوستانی پنجاب ہووے یاں پاکستانی پنجاب، برطانیہ، کینیڈا ہووے یاں فیر امریکا، پنجابی بولڻ سمجھڻ تے ایہناں گیتاں تے سر ہلاؤڻ والے ہر تھاں موجود نیں۔ ایس لئی پنجابی گیت ہر تھاں آپڻا اک اُچیچا مقام رکھدے نیں۔

ہندی فلماں وچ پنجابی گیتاں دی رلت دا مڈھ دلیر مہدی دے گیت ' بولو۔۔۔ تارا۔۔۔ را۔۔۔را ' توں بجھا۔ فیر سکھوندر سنگھ، میکا سنگھ تے ہور سنگرز نے اوہناں دے پچھے ٹرنا شروع کر دتا تے انج ایہہ چال اج تیکر جاری ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels