Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> قائداعظم یونیورسٹی وچ فارسی کورس مڑ توں شروع

قائداعظم یونیورسٹی وچ فارسی کورس مڑ توں شروع

وچار ڈیسک
May 13th, 2017

ایشیا تے اسلام بارے جانن لئی ترے زباناں دا علم ہونا لوڑی دا ہے اتے ترکی تے عربی زباناں توں اڈ ایشیا تے اسلام بارے وڈی لکھتاں فارسی وچ نیں۔ویسے تے ہائر ایجوکیشن کمیشن بڑے کم کردا ہے پر اوس نوں اسلام تے ایشیا بارے پی ایچ ڈی کرن والیاں تے انہاں زباناں نوں سکھنا لازم کرنا چاہیدا ہے۔ ساڈے ایتھے تے مہاراجہانجیت سنگھ دے ویلے تیک فارسی دا راج رہیا اتے ایس دوران ہندواں، سکھاں تے مسلماناں فارسی وچ بہوں کجھ لکھیا پراساں اوس سب توں وانجھے ہاں۔پنجاب، سندھ، خیبر پی کے، بلوچستان تے کشمیر تے فارسی سکھے بغیر پی ایچ ڈی کرنا اینج ہی ہے جنج وارث شاہ پڑھے بغیرپنجابی شاعری تے گل کرنا۔فارسی تے اک دور وچ ادھی دنیا دی زبان سی پر انگریزاں تے کجھ فارسی دے ہمدارداں فارسی نوں دھرم، فرقے تے ایران دے کھاتے پا کے ایس نوں رگیدیا۔ انگریز چلے گئے پر کالے انگریزاں تے کجھ قوم پرستاں فارسی نون مر چالو نہ ہون دتا۔ہن خبر آئی ہے پئی گھٹ و گھٹ قائداعظم یونیورسٹی وچ فارسی سکھان دا کم مڑ شروع ہویا ہے۔ ایران دے ثقافتی قونصلیٹ دے سانگے نال اسلام آباد دی قائداعظم یونیورسٹی دے شعبہ ایشیائی تہذیب وچ فارسی کورس مڑ شروع کردتا گیا ہے۔ایس سال توں یونیورسٹی دے طالب علماں نوں ماسٹر تے پی ایچ ڈی وچ فارسی زبان سکھن دی سہولت ملے گی۔ ایہہ کلاساں ہفتے وچ دو وار قائداعظم یونیورسٹی دے شعبہ ایشیائی تہذیب وچ ہون گیاں جس وچ ماسٹر دے 27 طالب علم تے پنج پی ایچ ڈی دے کھوجی رلت کرن گے۔ فارسی زبان دے پروفیسر ڈاکٹر علی ابوتراب انہاں کلاساں وچ پڑھان گے۔ریاست پاکستان نوں مرکز تے صوبیاں وچ کم کردے ہائر ایجوکیشن کمیشناں راہیں ملکی پدر تے فارسی ،ترکی تے عربی سکھاون داوڈا پروگرام شروع کرنا چاہیدا ہے اتے ساڈے بارے انہاں زباناں وچ لکھیا پرانی لکھتاں نوں انگریزی تے پاکستانی زباناں وچ ترجمہ کروانا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels