Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> ڈھٹکی: سندھ دی صحرائی تھاواں دی وڈی زبان(ویڈیو وی ویکھو تے سنو)

ڈھٹکی: سندھ دی صحرائی تھاواں دی وڈی زبان(ویڈیو وی ویکھو تے سنو)

May 12th, 2017

ایہہ زبان تھری، ڈھٹی،ڈھٹکی،ٹھٹی،ملہی ورگے ناواں توں جانی جاندی ہے اتے ایس دے بولن والے سندھ تے راجھستان دی پاک بھارت سرحدی تھاواں دے وسنیک نیں۔پاکستان دے صوبہ سندھ دے ضعلے ٹھٹہ، بدین، تھرپارکرتے سانگڑھ اک دوجے نال جڑے نیں تے انہاں دا سرحد پار سانگا راجھستان تے کچ نال تواریخی طور تے جڑیا ہے۔ٹھٹہ دی سمندر نال لگدی تھاں اوہی ہے جس نوں مغلاں تے اوہناں توں پہلاں ویلے لکھی کتاباں وچ ’’لہوری بندر تے لہوری داہڑو‘‘ دے ناں نال شہرتاں حاصل سن تے ایس نوں اک توں زیادہ وار ساڑیا گیا سی اتے پرتگالیاں دی کتاباں وچ ایس دی اہمیتاں وادھو سن۔آرمینیا دے یہودیاں تے بلخ دے پارسیاں قدیمی دور توں ایتھے ٹھکانے بنائے سن۔ایہہ ساریاں تھاواں تے ٹھٹی یا ڈھٹکی زبان دے بولن والے وادھو سن تے اج وی ایہہ ایتھے ہی بکھرے ملدے نیں۔راجھستان نال جڑن پاروں ڈھٹکی دامارواڑی نال سانگا بنیا تے کچ نال جڑن پاروں اج دی کچی زبان نال۔کیونجے ماڑواریاں تے کچیاں دا سانگا لہوری بندر نال سی تاں مارے انہاں دا اْلار وی پرلے بنے نہیں سی۔ پر 1947 بعدوں کیونجے کچ بھارتی ریاست(صوبہ) گجرات دا اک ضلع بن گیا تاں اج دی کچی تے گجراتی دا اثر وادھو۔پرانی کتاباں وچ ماڑواری، کچی،ڈھٹکی، سندھی تے پنجابی دا رسم الخط یا لپی ’’مہاجنی‘‘ ہوندا سی اتے مشہور عبقری ، ڈائریکٹر آف پبلک انسٹرکشن پنجاب جی ڈبلیو لائٹنر پنجاب وچ دیسی تعلیم وچ ایس سکرپٹ یعنی لپی بارے تفصیلاں دتیاں نیں تے صرافہ، لنڈے تے مہاجنی نوں کمرشل سکرپٹ آکھیا ہے جس نوں سوداگر، بنئیے،تاجر ورتدے سن اتے پرانے بیہہ کھاتیاں وچ وی ایس لپی دی ورتوں وادھو سی۔گل ڈھٹکی یا ٹھٹی تیکہی رکھدے ہاں کہ بی بی سی دی خموش زباناں بارے گوشے وچ اک انٹری ڈھٹکی بارے وی ہے پر اوس وچ ایس زبان دے بولن والیاں دا سانگا نرا صھرا نال جوڑیا گیا ہے ۔ایتھے اک ویڈیو وی رکھی ہے جس وچ تساں ایہہ زبان آپ سن کے ایس دے سانگے بارے آپ جان سکدے ہو۔بی بی سی والیاں لکھیا ہے کہ پاکستان دے صحرائی علاقے تھر پارکر تے بھارتی ریاست راجستھان وچ ڈھٹکی زبان دی ورتوں عام ہے جس وچ سورماواں دے قصے وی نیں تے لوک داستاناں تے رومانوی کہانیاں وی۔ پاکستان وچ ڈھٹکی دی علمی تے ادبی ترقیاں تے پھیلاؤ گھٹ ہے جس پاروں ایہہ تحریری طور تے مکدی جارہی ہے۔پرلے پاسے گجراتی تے ساڈے پاسے سندھی ایس تے چھاندی گئی۔ہن تساں کلک کرو تے زبان نوں آپ سنو،ایس نوں اک سندھی، پنجابی سمجھ سکدا ہے۔کجھ دیر لئی قوم پرستیاں تے دوجے شہری تفاخراں نوں پراں کردے ہوئے، ذرا ٹھٹی یاڈھٹکی دے نیڑے آؤ۔اج وی ایس زبان دے بولن والے 20لکھ توں وادھو نیں۔
Watch and listen Datki or Thatti
http://www.bbc.com/urdu/pakistan-39881656


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels