Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> ’’ لمز‘‘ وچ پنجابی صوفی شاعرخواجہ غلام فریدؒ بارے لیکچر

’’ لمز‘‘ وچ پنجابی صوفی شاعرخواجہ غلام فریدؒ بارے لیکچر

وچار ڈیسک
May 9th, 2017

پنجابی صوفی شعراء دی لیکچر سیریز وچ مُشتاق صوفی گل بات کیتی۔گُرمانی مرکزِ زبان و ادب ،لاہوریونیورسٹی آف مینجمنٹ سائنسیز( لمز) دے پر بندھ نال پنجابی صوفی شاعراں بارے شروع کیتی گئی لیکچر سیریز دا آخری پروگرام خواجہ غلام فریدؒ ہوراں بارے ہویا۔ اوہناں خواجہ غلام فریدؒ ہوراں دی شخصّیت، شاعری، فن تے فکر بارے گل بات کیتی۔۔۔ اوہناں اپنی گل بات وچ بعض بڑے اہم نکتے ساہمنے لیاندے۔ اوہناں آکھیا جو خواجہ صاحب دی شاعری نوں سمجھن آسطے وی ضروری ہے جو اوہ کیہڑا دیوان ہے جیہڑا ساہمنے رکھناں چاہیدا ہے۔ تاں جو اسیں اوہناں دی شاعری دا وہی مہان59درا ویکھ سکئیے جیہڑا لکھدے ہویاں اوہناں اپنے ساہمنے رکھیا۔ ایس سلسلے وچ ’’دیوان فرید‘‘ جیہدے مرتب عزیز الرّحمن ہوریں نیں اوہنوں ای استنادتے اہمیت حاصل ہے۔ انج ای خواجہ صاحب دی حیاتی تے روز مرّہ معمولات نوں سمجھن تے ویکھن لئی اوہناں دی اک مُرید دی مرتّب کیتی گئی کتاب ’’مقابیس المجالس‘‘ نوں وی بڑے گوہ تے احتیاط نال پڑھن دے لوڑ ہے۔ ایہدے نال اُکا ایہی نہیں جو اسیں خواجہ غلام فرید ہوراں دی ذاتی زندگی توں پوری طرح آگہی حاصل کر سکاں گے سگوں اوہناں دی زبان جو اوہناں اپنیاں کافیاں وچ ورتی اوہنوں سمجھن وچ معاون ثابت ہووے گی۔ انج ای حیاتی بارے اوہناں دے نظریات نوں وی سمجھن وچ اسانی رہوے گی۔ اوہناں دی ایس ای کتاب توں نہ صرف سانوں ایہہ پتہ لگدا ہے جو اوہ اِک زمانے وچ انگریزی تے پنجابی زبان دی لپی گُرمکھی سِکھن ول رجوع کرن لگ پئے ہائن۔ اوہناں دے اوس ویلے دے شاعراں، ادیباں، مفکراں نال نہ صرف رابطے سن بلکہ اہم موضوعات تے گل بات وی چلدی راہن59دی ۔ ’’مقابیس المجالس‘‘ توں ای پتہ چلدا ہے جو خواجہ صاحب ہوراں نوں موسیقی نال خاص رغبت آہی تے نواب بہاولپور صُبح صادق خان اوہناں لئی دِل وچ بہت عزّت تے احترام رکھدے ہاین، تے اوہناں دی سہولت تے خاہشات دا خیال رکھدے سن۔
مُشتاق صوفی ہوراں خواجہ غلام فرید ہوراں دی شاعری دے حوالے نال گل بات کردیاں ہویاں آکھیا جو میرے خیال وچ خواجہ صاحب دی شاعری نوں دو حصّیاں وچ ونڈیا جا سکدا ہے۔پہلا حصّہ وحدت الوجود تے تصّوف دا ہے جیہدے اُتے بہت زیادہ لکھن والے لِکھدے راہندے نیں جدوں کہ اوہناں دی شاعری دا دوجا حصّہ عشق تے روہی دے رنگاں نال جڑیا ہے جیہدے وچ تھل مارو، اوتھوں دی وسوں، وسیب، کلچر تے رکھاں، بوٹیاں دا بیان مِلدا ہے۔ خواجہ صاحب دی ایہہ شاعری اصل وچ ایہہ دسدی ہے جو اوہناں نوں اپنے وطن تے اوتھوں دے رنگاں نال کنی محبت آہی۔ اوہناں آکھیا جو اجیے پکھاں بارے بہت کم کرن دی لوڑ ہے۔
’’ لمز‘‘ وچ گُرمانی مرکزِ زبان و ادب ولوں پنجابی صوفی شاعری تے لیکچرز دی ایہہ سیریز بہت ودھیا رہی جیہدے وچ یونیورسٹی دے طلبا دے نال نال پنجابی صوفی شاعری نال محبت رکھن والے لوکاں بھرپور شرکت کیتی۔
Links of previous news regarding Punjabi Sufi poet series
http://www.wichaar.com/news/124/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels