Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> ’’ لمز ‘‘ وچ میاں محمد بخش بارے لیکچر اج ہووے گا

’’ لمز ‘‘ وچ میاں محمد بخش بارے لیکچر اج ہووے گا

وچار ڈیسک
April 28th, 2017

لاہور یونیورسٹی آف مینجمنٹ سائنسیز( لمز) وچ پنجابی صوفی شاعراں بارے لیکچر سیریز وچ اج میاں محمد بخش بارے گل بات ہو سی۔ ایہہ گل بات پروفیسر معین نظامی ہوری کرن گے۔ اوہ گرمانی مرکز زبان و ادب وچ ڈائریکٹر نیں تے پنجابی تے فارسی زباناں دے استاد تے ادیب وی نیں۔
ایہہ لیکچر اج شامی 4وجے توں 6وجے تیک لمز، لائبریری وچ ہووے گا۔
پچھلا لیکچر21اپریل نوں عظیم پنجابی شاعر سید وارث شاہ بارے پروفیسر سعید بھٹہ ہوراں دتا سی۔ بھٹہ ہوریں پنجاب یوینورسٹی دے شعبہ پنجابی نال جُڑے نیں ۔پنجابی دے فوک ادب تے شاعری بارے کم اوہناں دی پچھان ہے۔ اوہناں وارث شاہ بارے گل بات کردیاں ہویاں آکھیا جو اسیں وارث شاہ ہوراں نوں اوہناں دی اُگھی شعری لکھت’’ ہیر وارث شاہ ‘‘دے حوالے نال جاندے آں۔ پر اصل گل ایہہ ہے جو اوہناں ہور وی بہوں کتاباں لکھیاں جیہناں وچ سی حرفی ’’سسی پنوں‘‘ ’’بارہ ماہ‘‘ ’’دوہڑے‘‘ ’’عبرت نامہ‘‘ تے’’ چوھڑیٹی نامہ ‘‘وی ڈھیر مشہور ہوئیاں۔ انج ای قصہ ہیر وی ڈھیر شاعراں لکھیا جہیدے وچ فارسی، پنجابی، اردو تے ہور زباناں دے شاعر شامل نیں۔ پنجابی وچ ہیر دے قصے جیہناں شاعراں دے مشہور ہوئے اوہناں وچ دمود رداس ، شاہجہان مقبل تے احمد گجر شامل نیں۔
سعید بھٹہ ہوراں اپنی گل بات کردیاں ہویاں دسیا جو ایہناں شاعراں دے ہون59دیاں وارث شاہ نوں ڈھیر شہرت ملن دی وجہ اوہناں دے اسلوب، لفظالی تے بحر توں ودھ کے سیاسی سوجھ بوجھ وی ہے۔ مڑ کے اوہناں پنجاب دی رہتل ،تہذیب، رسم ریت، ذات برادری ،ورتوں وچ آون والیاں وستاں تے ہور ہر شئے واں نوں ساڈے ساہمنے لیاندا ہے اتے اینج پنجاب دی پوری تواریخ اگھڑ کے ساہمنے آجان59دی ہے۔
لمز، وچ صوفی شاعراں بارے ہن تیک بابا فرید، شاہ حسین، سلطان باہو، بلھے شاہ تے وارث شاہ بارے لیکچر ہو چکے نیں
Links of Previous lectures
http://www.wichaar.com/news/124/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels