Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> ’’ لمز‘‘ وچ بُلھے شاہ بارے لیکچرہویا۔وارث شاہ بارے اج ہو سی

’’ لمز‘‘ وچ بُلھے شاہ بارے لیکچرہویا۔وارث شاہ بارے اج ہو سی

وچار ڈیسک
April 21st, 2017

لاہور یونیورسٹی آف مینجمنٹ سائنسز ( لمز) وچ پنجابی صوفی شاعر بُلھے شاہ ہوراں بارے لیکچر دا پربندھ کیتا گیا۔ ایہہ لیکچر لمز وچ جاری پنجابی صوفی شاعراں بارے دتے جارہے لیکچرز دا ای حصّہ سی، جیہدے وچ پنجابی سوجھوان صوفی شاعراں دی شاعری ، جیون، سوچ، فکر تے تواریخی تناظر وچ گل بات کردے نیں۔14۔ اپریل نوں ہون والی بُلھے شاہ بارے گل بات اقبال قیصر ہوراں کیتی ۔ اقبال قیصر ہوریں پچھلے کیئیاں ورھیاں توں پنجابی زبان ، ادب تے تاریخ نال جڑے نیں۔ اوہناں پنجاب وچ سِکھاں دے گردواریاں بارے بھرواں کم کیتا ہے۔ اوہ کھوجکارتے نقاد نیں۔
بُلھے شاہ بارے گل بات کردیاں ہویاں اُوہناں آکھیا جو بُلھے شاہ ساڈی پنجابی صوفی شاعری دے سرکڈھویں تے نویکلے شاعر ہین ۔ جیہناں اوس ویلے دے سیاسی تے سماجی حالات نوں وی اپنی شاعری دا حصہ بنایا۔ اوس ویلے دی گھٹن زدہ تے جبرنال بھری فضا وچ حق سچ دی گل کیتی ۔ سانوں اجیہا کوئی ہور شاعر نہیں ملدا جواِس قدر واضح تے دلیرانہ گل کردا ہووے۔ ایس سلسلے دا اگلا لیکچر ۲۱۔ اپریل نوں وارث شاہ بارے ہووے گا۔ گل بات سعید بھٹا ہوریں کرن گے۔
بلھے شاہ بارے پروگرام وچ سید بابر علی، ندیم صدیق ، ذی شان دانش، رفاقت علی شاید، احمد بلال اعوان، سارہ کاظمی ، سردار علی حسن، ندیم اقبال شاکر، نوشیر واں تے طلبا و طالبات دی وڈی تعداد نے شرکت کیتی۔
اج 21 اپریل نوں لمز دی مین لائبریری وچ چار وجے وارث شاہ تے پروفیسر سعید بھٹہ ہوری لیکچر دین گے۔بھٹہ ہوری پنجاب یونیورسٹی وچ پڑھاندے نیں تے اک لمیرے چر توں پنجاب تے پنجابی بارے کھوجی کم وچ رجھے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels