Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> سائیوال وچ پنجابی فیسٹیول شروع

سائیوال وچ پنجابی فیسٹیول شروع

وچار ڈیسک
February 17th, 2017

پنجاب دے کاروباری مرکز لیل پور وچ پنجابی میلہ مکن دے اگلے دیہاڑ توں پنجاب دی قدیم ترین تھاں ہڑپہ نیڑے سائیوال وچ اگلا پٹر لگ گیا ہے۔ سائیوال وچ اک توں ودھ پروگرام ہورہے نیں اتے دوجے شہراں وچ وی پنجابی ایہو کم کررہے نیں۔ ایس کم وچ سرکار این جی اوز، سول سوسائٹی ہی نہیں سگوں نجی کاروباری ادارے وی رلتی نیں۔ سائیوال آرٹ کونسل، آواز سوسائٹی، پنجاب لوک سجاگ، پنجابی ادبی بورڈ، کام سیٹ تے گورنمنٹ کالج سائیوال دی رلت نال جیہڑا 5 دناں دا پروگرام ہورہیا ہے اوہ اج شروع ہوچکیا ہے۔ اج مشاعرا ہے تے کل ناٹک ہوسی۔ اج دا مشاعرا ہک تعلیمی ادارے کام سیٹ وچ ہورہیا ہے جس وچ پڑھیاراں نوں پنجابی شاعری سنن دا موقع ملے گا۔ کل ہون والے ناٹک نوں وی اک سرکاری تعلیمی ادارے گورنمنٹ کالج سائیوال وچ رچایا جائے گا۔ ایس ناٹک دا ناں ہیر رانجھا ہے اتے ایس نوں پنجابی سیوک ہماصفدر ڈائریکٹ کیتا ہے۔ جمعہ 19 فروری نوں پنجابی سیوک تے کھوجی مقصود ثاقب ہوری لیکچر دین گے۔ سائیوال شہر وچ تھاں تھاں بینر تے فلیکساں لائیاں نیں تانجے شہر والیاں نوں اپنی ماں بولی بارے یاد رہے۔ سجاگ سائیوال دی ویب سائٹ تے حمیرا افضل ہوراں ماں بولی دیہاڑ حوالے نال اک مضمون لکھیا ہے جس دا لنک تھلے دے رہے ہاں۔ اج لوڑ ایس گل دی ہے پئی جتھے جتھے پنجابی نیں اوہ سب اک مک ہوکے پنجاب تے پنجابی لئی کم کرن اتے اپنے اپنے تصباں نوں نیڑے نا لگن دین۔ اساں پنجابی بارے تہانوں اینج دیا خبراں دیندے رواں گے۔

For further inquiry about these events , please click below
https://www.facebook.com/events/190942688055368/
Humera Afzal article about Punjabi and mother tongue day click below
https://sahiwal.sujag.org/feature/mother-language-day-21-feb-punjab-lok-sujag-1
For other related stories and vedios about mother tongue activities in the Punjab, click below link
http://www.wichaar.com/news/124/ARTICLE/32381/2017-02-17.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels