Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> پنجابی میلہ مک گیا:پنجاب سرکا ر سکولاں وچ پنجابی لائے تے توریخ پنجاب لئی فنڈ بنائے۔سکالرز،کھوجی،دانشوراں دامطالبہ(ویڈوز)

پنجابی میلہ مک گیا:پنجاب سرکا ر سکولاں وچ پنجابی لائے تے توریخ پنجاب لئی فنڈ بنائے۔سکالرز،کھوجی،دانشوراں دامطالبہ(ویڈوز)

وچار ڈیسک
February 17th, 2017

لیل پور(فیصل آباد): ترے روزہ پنجابی لٹریری فیسٹیول مک گیا جس وچ وڈی گنتری ایس گل نوں منیا پئی اج پنجاب تے پنجابی دے حوالے نال بہوں کم کرن دی لوڑ ہے اتے پنجاب سرکار نوں نوآبادیاتی بیانیے نوں بدلدے ہوئے وڈے تے جرتاں والے فیصلے کرنے چاہیدے نیں۔انتہا پسندیاں تے ات گردیاں خلاف پنجاب دی جوگی صوفی ریت نوں نصاباں وچ لانا لوڑی دا ہے جس وچ بابا فرید، بابا نانک توں خواجہ فرید تے میاں محمد بخش دا سوہنا تے من موہنا پنجابی کلام موجود ہے۔ایس کلام نوں انگریزاں سکولاں وچ نہیں لایا سی اتے پاکستان دے پالیسی سازاں وی انگریز پرستیاں وچ ایہو ریت چلائی۔پنجاب دی تواریخ بارے وڈا کم کرن دی لوڑ ہے تانجے پنجابی نوجواناں نوں اپنی رہتل تے جدوجہداں بارے پتہ چلے۔انگریز مخالفاں وی جو بیانیے دتے انہاں تے وی مڑ جھات پاون دی لوڑ ہے کیونجے انگریز مخالفتاں وچ فرقہ وارانہ سیاستاں دی حمائیتاں کرنا وی اک کوڑ کم ہے۔اج انہاں لہراں نوں رواجی گلاں توں ہٹ کے ویکھنا پئے گا۔اخیری سیشن وچ سوشل میڈیا دے ودھدے ہوئے کردار بارے گل بات ہوئی اتے ایہہ گل کیتی پئی پنجابی لئی ایس وچ زیادہ گنجائشاں نیں۔رواجی میڈیا دے پچھے جاون نال میڈیا تے ریاستی تے غیر ریاستی کنٹرول کمزور ہو رہیا ہے جہیڑا وطنی ریاستاں بنن بعدوں تگڑا ہو گیا سی ۔انٹرنیٹ گلوبلائزیشن دا بوہا ہے اتے اج ہر بندہ سوشل میڈیا راہیں جرنلسٹ تے رپورٹر ہے۔اشتہاری کمپنیاں والے وی فیس بک تے اشتہاری مہماں چلا رہے نیں تے ایس وچ عوامی گل کرن دی وی گنجائشاں نیں۔تریجے دنچار سیشن ہوئے جنہاں وچ ’’پنجابی سینیما، لوکائی دی وار، نوآبادیاتی پنجاب دی سیاسی لہراں اتے پنجابی ویب میڈیا‘‘ بارے گل بات ہوئی۔گل بات کرن والیاں وچ ڈاکٹر رخسانہ بنگش، ڈاکٹرطاہر کامران،عامر ریاض،یعقوب بنگش، ڈاکٹر پیپا وردی، خولہ چیمہ،توحید چٹھہ،احمد سلیم، اخلاق عاطف، طارق جٹالہ تے اقبال قیصر رلتی سن۔اخیر وچ پنجابی شاعراں اپنا اپنا کلام سنایا۔اج توں پنجابی دا اگلا پڑ سائیوال وچ لگ رہیا جے اتے اخیری پڑ لہور وچ لگ سی جتھے 21فروری نوں اک بھرنواں سیمینار ہو سی۔اساں سب پروگراماں بارے رپورٹنگ کراں گے اتے جے تہاڈے کول وی کوئی خبر، ویڈیو تے فوٹو ہوئے تے تساں aamirriaz1966@gmail.comتے گھل دیو۔

CLICK AND WATCH
PUNJABI MELA PHOTOS
https://www.facebook.com/search/top/?q=punjabi%20sulekh%20mela
PUNJABI CINEMA
https://www.facebook.com/tohid.ahmed/videos/10208501389635449/
KHANI DARBAR (ND DAY)
https://www.facebook.com/tohid.ahmed/videos/10208492264607329/
PUNJABI POETRY SESSION
https://www.facebook.com/amir.butt.56679/videos/10208096201185142/

Nadeem Omar Tarar
 speaking about the basic fault in our narrative ...it is time to publish his PhD thesis that is among the rare works about our lands(2ND DAY)
https://www.facebook.com/aamirr/videos/10154557205309032/
2ND DAY REPORTING WITH VEDIOS
http://www.wichaar.com/news/117/ARTICLE/32378/2017-02-16.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels