Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> ساریاں پاکستانی زباناں نوں قومی زباناں آکھو۔ 30 سینیٹراں دی کمیٹی دا مطالبہ

ساریاں پاکستانی زباناں نوں قومی زباناں آکھو۔ 30 سینیٹراں دی کمیٹی دا مطالبہ

January 20th, 2017

اسلام آباد: سینیٹ دی قنون تے انصاف دی سٹینڈنگ کمیٹی ایہہ مطالبہ کیتا ہے پئی ساریاں پاکستانی زباناں نوں قومی زباناں دا درجہ دتا جائے۔ کمیٹی دے اکٹھ دی صدارتاں مسلم لیگ (ن) دے سینیٹر جاوید عباسی ہوراں کیتی۔ ایس اکٹھ وچ 30 سینیٹراں رلت کیتی جہناں دا تعلق پاکستان دی 8 سیاسی جماعتاں نال سی۔ انہاں سیاسی جماعتاں وچ مسلم لیگ (ن) پاکستان، پیپلز پارٹی، مسلم لیگ (ق)، تحریک انصاف، ایم کیو ایم پاکستان، عوامی نیشنل پارٹی وی رلتی سن۔ انہاں اک آئینی ترمیمی بل دی حمائیتاں کیتیاں جس نوں آئینی ترمیمی بل 2016 آکھیا جارہیا ہے۔ ایس بل نوں سینیٹر کریم احمد خواجہ تے سینیٹر سسی پلیجو پیش کیتا سی۔ فرحت اللہ بابر ہوراں آکھیا پئی 1973 دا آئین پاکستان دی ساریاں قومی زباناں دے حوالے نال پوری گل نہیں کردا اتے ایس وچ تبدیلیاں دی لوڑ ہے۔ کمیٹی آکھیا کہ اجہے بل نال مقامی زباناں نوں نویں حیاتی ملے گی اتے پنجابی سنے جیہڑی زباناں مررہیاں نیں اوہ بچ جاون گیاں۔انہاں ایہہ وی آکھیا پئی جدوں اساں قومی زباناں نوں نہیں منیا سی تاں ایس پاروں مشرقی تے مغربی پاکستان وچ نفرتاں ودھیاں سن۔ سسی پلیجو آکھیا پئی سندھی نوں بھارت والیاں قومی زبان آکھیا ہے۔ سینیٹر محمد عثمان خان کاکڑ آکھیا پئی بلوچی نوں افغانستان قومی زبان منیا ہے۔ کمیٹی آکھیا پئی پاکستان وچ دنیا دی قدیمی تہذیباں نیں۔ ایتھے ہڑپہ، موہنجو داڑو، مہرگڑھ، گندھارا ہے اتے انہاں سب نوں سانوں آپدا ورثہ سمجھنا چاہیدا ہے۔ اساں انہاں زباناں نوں مناں گے تاں فیر ایس قدیمی کلچر نوں وی من لواں گے۔ بل پیش کرن والیاں آکھیا پئی پاکستان دی وڈی زباناں وچ بلوچی، براہوی، پنجابی، پشتو، سندھی، سرائیکی تے ہندکو نیں۔
ویروا: سینیٹراں دا کم ودھیا اتے ایس تے ودھائیاں ۔پر ایہہ گل یاد رکھنی لوڑی دی ہے پئی پاکستان وچ زباناں تے لہجیاں دے جھیڑے چلاون والیاں وی کم خراب کیتا ہویا ہے اتے بھارت، افغانستان ورگے وی نری پاکستان دشمنی وچ کجھ مقامی زباناں تے لہجیاں نوں چھپیاں پائیاں نیں۔
اج لوڑ ایس گل دی ہے پئی سینیٹ والے پاکستان وچ زباناں دا قومی کمیشن بناون جیہڑا دوگلاں طے کرے۔ نمبر1 پاکستان وچ اُردو تے انگریزی دی کیہ حیثتیاں نیں؟ نمبر2 پاکستان دی وڈی قومی زباناں کیہڑیاں نیں اتے ضیاالحقیاں پاروں زبان تے لہجیاں وچ پاڑ پاون والیاں نوں نپدے ہوئے لوکائی نوں جوڑن دی گل ہوئے۔اْردو وانگ ڈنگ ٹپاؤ وقمی زبان دا سٹیٹس دا کوئی فیدہ نہ ہو سی۔ پہلے مرحلے تے چاراں صوبیاں دی زباناں یعنی پنجابی، پشتو، سندھی تے بلوچی نوں قومی زباناں آکھیا جائے اتے باقی بارے کمیشن پاروں فیصلے کیتے جاون۔ پاکستان دی زباناں پاکستان نوں تگڑا کرن دا وڈا ذریعہ ہے اتے ایس پاروں انہاں وچ پاڑ پاون نوں گھٹایا جائے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels