Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> 21 فروری : پنجابی زبان، فن، ثقافت تے میڈیا

21 فروری : پنجابی زبان، فن، ثقافت تے میڈیا

حسین نقی
February 9th, 2015
5 / 5 (3 Votes)

پنجابی زبان دا مسئلہ خالصتاً سیاسی اے تے ایہدا تعلق پنجاب دی اشرافیہ نال اے۔ سکھاں نے اپنے لئی رسم الخط گُرمکھی چُنیا تے ہندو دیوناگری استعمال کردے سن تے مسلمان فارسی رسم الخط ورتدے سن۔ فارسی رسم الخط دے حوالے نال اوہناں نے اردو نوں adopt کیتا۔ 1947ء تیکر ویکھئے تے اردو زبان دے سب ادیب پنجاب نال تعلق رکھدے سن۔ سارے وڈے شاعراں دا تعلق وی پنجاب نال سی۔
میں کراچی یونیورسٹی سٹوڈنٹس یونین دا پریذیڈنٹ ساں تے میں ساریاں نوں آکھیا پئی تسیں لوک اپنیاں کلچرل ایوننگز کرو تے سندھیاں نے وی کیتیاں تے پٹھاناں نے وی۔ دو ممبر سن میری کیبنٹ دے جیہناں دا تعلق پنجاب نال سی تے اوہناں نے نہیں منائی تے آکھیا کہ ساڈی زبان تے اردو اے تے اسیں پنجابی دا کوئی پروگرام نہیں کراں گے۔
میں پہلاں وی ذِکر کیتا سی کہ جدوں اساں ’سجن‘ کڈھیا تے میرے اک دوست سن حیدر آرائیں، میں اوہناں نوں فون کیتا تے آکھیا کہ تسیں وی اشتہار دیو۔ کھوسو نے مینوں سندھ گورنمنٹ ولوں اک لَکھ روپے ایڈوانس اشتہار دے گھل دِتے نیں تے اوہنے 2 ہزار دا اِک اشتہار دِتا پنجاب گورنمنٹ ولوں۔
پنجابی زبان progressive level توں رائج ہونی چاہیدی اے۔ اک مسئلہ ایہہ وے کہ پنجابی زبان دا جیہڑا لٹریچر اے اوہ اک secular ذہن نوں نشوونما دیندا اے، اک progressive ذہن بنے گا، anti-exploitation ذہن بنے گا۔ پنجابی زبان اک روشن خیالی دی زبان اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels