Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> 21 فروری : مڈھلی تعلیم تے ماں بولی

21 فروری : مڈھلی تعلیم تے ماں بولی

مشتاق صوفی
February 7th, 2015

پنجابی زبان نوں غریباں دی زبان آکھیا جاندا اے۔ غریباں دی زبان ہونا میہنا نہیں سگوں فخر اے۔ ایہدا مطلب ایہہ وے کہ ایہہ عوام دی زبان اے، خلقت دی زبان اے، کروڑاں لوکاں دی زبان اے۔ دوجی گل ایہہ وے کہ پنجابی دا ایہہ مرتبہ انگریزاں دے آن توں بعد بنیا اے جیہڑا اسیں ہن ویکھنے آں۔ صرف یاد کروان دی لوڑ اے کہ مغل بادشاہ بہادر شاہ ظفر دا پنجابی وچ کلام موجود اے۔ انگریزاں دے آن توں پہلاں ایہہ صرف عوام دی زبان نہیں سی سگوں ترک زادہ بادشاہ دے کلام دی وی زبان سی۔ انگریزاں نے جدوں پنجاب فتح کیتا اے تے اوس توں بعد اِک اعلان جاری ہویا جیہدی original copy لاہور میوزیم وچ موجود اے۔ اوہ اعلان ایہہ وے کہ جیہڑا تلوار موڑے اوہنوں اِک آنا انعام، جیہڑا پنجابی قاعدہ موڑے اوہنوں چھ آنے انعام۔ انگریزاں نے سندھی، بنگالی، ہندی تے اُردو نوں develope کیتا اے، نہیں کیتا تے پنجابی نوں نہیں کیتا۔
اک ہور مسئلہ جیہڑا بنیا اے اوہ ایہہ کہ پاکستان دی تحریک دے وچ اُردو دا اِک مثبت رول ہے کہ مسلماناں دی اِک زبان بنان لئی اِک united ling دے طور تے اک سیاسی کردار ادا کیتا لیکن پاکستان بنن توں بعد اک وڈا بھلیکھا جیہڑا ہُن تیکر چل رہیا اے تے اوہدے وچ دو گروہ Athemic وڈے ذمہ دار نیں، اِک urdu speaking تے اِک پنجابی، ایس مغالطے نوں بناون تے چلان دے وچ۔ اوہ مغالطہ ایہہ وے کہ ریاست دے واسطے اک زبان دا ہونا ضروری اے تاں جے ایکتا قائم رہوے۔ ایہہ بڑا وڈا بھلیکھا اے جے اسیں انسانی تاریخ نوں تے اجوکی تاریخ نوں ویکھیے تے پتہ چلدا ہے کہ عربی دیاں مختلف dialogues بولیاں جاندیاں نیں مغرب توں لے کے گلف تیک، ہندوستان وچ 40، 50 زباناں نیں، سوئٹزر لینڈ وچ سرکاری زباناں بولیاں جاندیاں نیں۔
ایس بھلیکھے توں نکلن دی لوڑ اے کہ کوئی زبان ملک دی ایکتا واسطے ضروری ہوندی اے۔ ایہو جیہے کئی ملک نیں جتھے کئی زباناں نیں تے اِک ملک نیں تے اجیہے علاقے وی نیں جتھے کئی زباناں نیں نہ پاکستان دی تاریخ ایہہ وے کہ پاکستان نے سندھ، بنگال، خیبر پختونخواہ، پنجاب نہیں بنایا بلکہ اوہناں ساریاں نے مِل کے پاکستان بنایا اے جیہدا مقصد ایہہ سی کہ مسلماناں نوں اوہناں دے ثقافتی، معاشی، لسانی حقوق دِتے جاون۔ ہُن سوال ایہہ وے کہ جیہناں علاقیاں نے پاکستان بنایا اے اوہناں علاقیاں دی بولیاں، کلچر، تہذیب ای پاکستان لئی خطرہ بن گئیاں، ایہہ خطرہ کِنے بنایا اے؟ ایہہ رنگا رنگی تے پاکستان دی طاقت اے۔ اسیں سارے اک مغالطے دا شکار آں تے سانوں اوہدے توں نکلن دی لوڑ اے۔
1973ء دے آئین وچ اک لحاظ نال زبان دے مسئلے نوں نمایاں کیتا گیا۔ سیاسی، معاشی مسئلے تے نہیں بلکہ زبان دے مسئلے تے پہلا فساد ہویا۔ 1973ء دے دستور نے ایس نوں حل کیتا کہ اکثریتی عوام نوں اپنی زبان نوں لاگو کرن دا حق دِتا۔ باقی صوبے وی ساڈی طرح ای ثقافتی طور تے backward سن پر اوہناں نے اپنے علاقیاں وچ اپنی مادری زباناں نوں لاگو کیتا پر پنجاب وچ ایہہ کم نہیں ہو رہیا۔ جنی literary history پنجابی زبان دی اے اوہ کسے وی زبان دی نہیں۔ ساڈی ایہہ گزارش اے کہ eduction policy نوں revisit کیتا جاوے تے حکومتی طور تے ایہہ کمیٹی بنائی جاوے جیہدے وچ تعلیم دان، زبان دان، سوجھوان شامل ہوون تے اوہ policy نوں revisit کرن تے پنجابی نوں پرائمری توں لاگو کیتا جاوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels