Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> 21 فروری : مڈھلی تعلیم تے ماں بولی

21 فروری : مڈھلی تعلیم تے ماں بولی

ثروت محی الدین
February 19th, 2015

اج دا موضوع اے ’مڈھلی تعلیم تے ماں بولی‘۔ ایہہ گل کرنی تے ایس طرح اے جیویں اکٹھے بہہ کے ایہہ سوچن دی کوشش کیتی جاوے کہ اسیں اپنے جمن والیاں بچیاں نوں بولنا سکھانا اے کہ نہیں۔ کیوں جے بولنا آوے گا تے اپنی زبان وچ تعلیم نہیں دِتی جاوے گی تے شروع توں ای بچے نوں کنفیوژن دا شکار کر دیو گے۔ جے میڈیکل لحاظ نال ویکھیا جاوے تے جد بچہ 4 سال دی عمر تک اپڑدا اے تے اوہ اپنی اسی فیصد vocabulary سکھ چُکیا ہوندا اے۔ اوہدے بعد جیہڑی تعلیم اوہ حاصل کردا اے اوہ باقی ویہہ فیصد ہوندی اے۔ تے جیہڑا بچہ بولنا سکھدا اے تے جیہڑی پنجابی زبان بولی جاندی اے گھراں وچ تے اوہ اپنے آپ نوں پچھاندا اے۔
جد اوہ سکول جاندا اے تے پہلی واری جس ویلے کوئی استاد بلیک بورڈ دے اُتے سِدھی لائن لا کے اوہنوں سکھاندا اے کہ ایہدا ناں ’الف‘ اے تے بچے دا ذہن اوہنوں قبول کر لیندا اے کیوں کہ اوہنے اوہ شکل پہلے کدی نہیں ویکھی ہوندی۔ اگلی سٹیج اودوں آندی اے جدوں اوہدے سامنے تصویراں بَن دیاں نیں تے اوہ بچے جیہنے ہمیشہ اپنے 4 سال دی عمر تک ڈَڈو ویکھیا تے اوہنے جس ویلے میم دی آواز سکھی اے تے اوہدے اگے اوہنوں اوہو مینڈک نظر آندا اے تے اوس بچے دا ذہن اوہنوں قبول نہیں کر سکدا۔ اوس سٹیج توں ای اسیں بچے دے ذہن نوں کنفیوژ کر دیندے آں جے اوہ اوس نوں مینڈک پڑھے تے اوہدی 4 سال دی زندگی کنفیوژ ہو جاندی اے۔
لٹریسی دا مطلب ایہہ نہیں ہوندا کہ بولنا۔ ایہدا مطلب ہوندا اے لکھنا تے پڑھنا۔ جے پنجابی پڑھن والے اپنی زبان لکھ تے پڑھ نہیں سکدے تے اوہ جاہل نیں۔ تعلیم دو طرح دی ہوندی اے۔ اک اے تعلیم تے تربیت یعنی گھراں دا ماحول تے پچھوکڑ۔ گھراں دے حوالے نال ایہہ گل ٹھیک اے جدوں اوہ تعلیم دے فیز وچ جاندا اے تے بھاویں کوئی وی زبان سِکھن پر پہلاں اپنے آپ نوں تے سمجھن تے اپنیاں جڑاں نال تے جُڑن تے اپنی زبان تے سِکھن۔ کیوں پنجابی ایہہ سمجھدے نیں کہ ایہہ جاہلاں دی زبان اے۔ ایہدا مطلب اے کہ اوہناں نوں پتہ ای نہیں کہ ایہہ ignorance اے۔ سانوں ایناں پتہ ای نہیں کہ پنجابی لٹریچر وچ ساڈے کول کِنّا وڈا خزانہ موجود اے۔ اوہ زبان جیہدے وچ بابا فریدؒ ہوئے تے اوہناں دا کیہ ویلا اے بارھویں صدی۔ پوری دنیا وچ اج کل مولانا روم تے لوکیں پاگل ہو گئے نیں۔ west والیاں نوں صوفی ازم تے mysticism دا فوبیا ہو گیا اے۔ بابا فریدؒ مولانا روم توں تیہہ چالیہہ سال پہلے جمے تے بابا فریدؒ ایسے فارسی سکرپٹ وچ ساریاں گلاں کر چکے نیں۔ فیر ساڈے کول وارث شاہؒ ، بلھے شاہؒ ، شاہ حسینؒ ، سلطان باھوؒ ، میاں محمد بخشؒ ، خواجہ غلام فریدؒ نیں۔ جے سانوں پتہ ای نہیں کہ کیہ خزانہ موجود اے ساڈے کول اپنی زبان وچ تے اسیں شرمندیاں ای ہونا اے۔ سانوں تے بس ایہو ای پتہ اے کہ ایس زبان دے وچ گالھاں کڈھیاں جا سکدیاں نیں یاں نوکراں نال بولی جا سکدی اے۔
سانوں ایس گل دی لوڑ اے کہ ایہہ زبان سکولاں وچ لگے تے ایہہ ذمہ داری حکومت دی اے کیوں جے لَکھ اسیں پڑھن والے لوک شور پائی جائیے پر ساڈے ہتھ دے وچ پالیسی میکنگ تے نہیں ہے۔ جدوں تک ایہہ زبان نہیں لگے گی اودوں تک لٹریسی ریٹ ودھان دا مسئلہ قائم رہوے گا۔ اج دے دور وچ اج دی ڈھولکی رکھی جاندی اے پر کوئی گیت نہیں گائے جاندے۔ سو اپنیاں جڑاں نال جُڑن واسطے لٹریسی ریٹ نوں ودھانا ضروری اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels