Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> پنجابی سنگت پاکستان دا ہفتہ وار تنقیدی اکٹھ

پنجابی سنگت پاکستان دا ہفتہ وار تنقیدی اکٹھ

وچار ڈیسک
February 24th, 2013

پنجابی سنگت پاکستان دا ہفتہ وار تنقید ی اکٹھ ہفتے دی شام پنجاب انسٹی ٹیوٹ آرٹ اینڈ کلچر دے کیفے وچ ہویا۔ جیہدی صدارت معروف شاعر، سوجھوان مظہر ترمذی ہوراں کیتی۔ اکٹھ وچ اقبال قیصر نے اپنا مضمون ''لاہور دے پنڈ '' تے نوید انجم نے کہانی ''اکو رنگ کپاہی دا'' تنقید لئی پیش کیتی۔ اکٹھ وچ سبھ توں پہلاں جوائنٹ سیکرٹری سیف الملوک سیفی نے پچھلے اجلاس دی کارکردگی رپورٹ پڑھ کے سنائی تے جناب صدر دی اجازت نال اجلاس شروع کیتا۔ اقبال قیصر ہوراں اپنا مضمون ''لاہور دے پنڈ'' دی اک قسط پڑھ کے سنائی تے جیہدے اوہناں دی کھوج نوں سراہیا گیا۔ بعد وچ نوید انجم نے اپنی کہانی ''اکو رنگ کپاہی دا '' تنقید لئی پیش کیتی۔ کہانی تے گل کردیاں ہویاں میاں تنویر نے کہیا کہ ایہہ کہانی پہلے وی تنقید لئی پڑھی جا چکی تے کیہ وجہ اے کہ دوجی وار پڑھنی پے گئی۔ کہانی بہت لمی اتے چار کہانیاں نوں کٹھیاں کرکے اک کہانی بنائی گئی اے۔ افضل ساحر نے گل کردیاں آکھیا کہ کہانی بہت لمی اے تے اپنا کجھ تاثر نہیں چھڈی کہانی تے نظر ثانی کرن دی لوڑ اے تے ایہدا سرناواں کہانی نال میل نہیں کھاندا۔ کہانی تے گل کردیاں آفتاب جاوید ہوراں اپنے وچار سانجھے کیتے تے کہیا کہانی بہت خوبصورت تے نوید انجم دی کہانی سُندے ہوئے بندہ کہانی ول کھچیا چلا جاندا اے۔ اقبال قیصر ہوراں آکھیا کہ کہانی بہت خوبصورت اے ایہہ کہانی چار کہانیاں نوں ملا کے نہیں بنائی گئی سگوں اکو کہانی تے جیہڑیاں چار کہانیاں جوڑیاں گئیاں تے اوہدا کردار اوہ اکلا ہی اے تے ایہدے وچ اک لوک داستان وی بیان کیتی گئی اے۔ اوہناں آکھیا خوبصورت کہانی لکھن تے میں نوید نوں مبارک باد دینا۔نصیر احمد نے گل بات کیتی کہ تکنیک دے لحاظ نال کہانی مکمل اے پر کجھ کمیاں ہین جیہناں تے نوید نوں نظر ثانی کرنی چاہیدی۔ سرفراز صفی نے گل کردیاں آکھیا کہ تنقید لئی کوئی وی چیز دوجی یاں تیجی واری پیش کرن تے کوئی پابندی نہیں۔ لکھاری اوہنوں جے دوبارہ خامیاں یاں تبدیلیاں کر کے تنقید لئی پیش کردا اے تے ایہدے وچ کوئی حرج ۔ طارق ہوراں آکھیا کہ ایک واقع چار کہانیاں نیں پر جے اک کہانی نوں وچوں کڈھ دتا جاوے تے ایہہ میرے خیال وچ پوری کہانی ہو سکدی اے۔
ساریاں دی گل بات سُن کے اخیر تے اکٹھ دے صدر جناب مظہر ترمذی ہوراں نے گل بات کردیاں آکھیا کہ کہانی بہت اعلیٰ اے۔ میں ایس نوجوان نوں مبارک باد دینا۔ ہر دور وچ کہانی چنگی تے مندی لکھی جاندی رہی اے کہ منٹو دے زمانے وچ ایہہ سبھ حالات نہیں سی جیہڑے مندے حالات اج نیں۔ اودوں وی سن چنگیاں کہانیاں دے نال نال مندیاں کہانیاں لکھیاں جاندیاں رہیاں نیں۔ ادب وچ ہر طرحاں دی لکھت لکھی جاندی ۔ ایس کہانی وچ جو بیان کیتا گیا اے اوہ اج دے دور مطابق اے۔ اسیں سارے گناہ مرد دی بجائے عورت تے مڑھ دینے آں تے ایتھوں تک اِکو گناہ وچ مرد نوں چھڈ کے عورت قتل کر دتی جاندی جسراں تے ایس کہانی وچ دسیا گیا۔ میں نوید انجم نوں چنگی کہانی تے دوستاں دے کہن تے ایہدے نظر ثانی کرن دا مشورہ دا ں۔
تنقیدی اجلاس دے اکٹھ توں بعد اِک مشاعرہ ہویا جیہدے وچ جناب سرفراز صفی، مبین علوی، اقبال قیصر، یوسف پنجابی، میاں تنویر، ارشد منظور، طارق ، آفتاب جاوید تے صابر علی صابر نے اپنا کلام سنایا۔




Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels