Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> 21 فروری ''ماں بولی دیہاڑ'' سوہنے طریقے نال مناون دی تیاری: پنجابی ادبی بورڈ

21 فروری ''ماں بولی دیہاڑ'' سوہنے طریقے نال مناون دی تیاری: پنجابی ادبی بورڈ

وچار ڈیسک
February 8th, 2013

پنجابی ادبی بورڈ لہور وچ پنجابی لکھاریاں تے سوجھواناں دا اکٹھ ہویا جیہدے وچ 21 فروری نوں آون والے دن نوں سوہنے طریقے نال منایا جاوے گا جیہدے واسطے اج توں ای تیاری شروع کر دتی اے۔ پنجابی ورکراں نوں پنجابی زبان واسطے گھٹ توں گھٹ منگاں اُتے اگے ودھنا چاہیدا اے تاں جے ایس زبان نوں ایہدے جائز حق دوائے جا سکن۔ ایہناں وچاراں دا وکھالا پنجابی ادبی بورڈ وچ جمعے والے دن ہوون والے اک اکٹھ وچ کیتا گیا۔ اکٹھ دی صدارت مشتاق صوفی ہوراں کیتی جد کہ نقابت پروین ملک ہوراں نے کیتی۔ ایس اکٹھ وچ پنجابی دے لکھاریاں، سوجھواناں تے ورکراں نے وڈی گنتی وچ رلت کیتی۔ ایس موقعے اُتے رلتیاں نے ایس وچار دا وکھالا کیتا کہ مادری زبان دی لہر نوں اگے ٹورن واسطے اگے نالوں ودھ کے کم کرن دی لوڑ اے تے نرا 21 فروری ای نہیں اوہدے بعد وی ایس لہر نوں جاری رکھن واسطے کم کرنا چاہیدا اے۔ اکٹھ وچ سانجھا فیصلہ کیتا گیا کہ گھٹ توں گھٹ نکتیاں اُتے اتفاق کر کے اک منگ پرچا ترتیب دتا جاوے جیہدے راہیں پنجاب سرکار تیکر اپنیاں منگاں اپڑائیاں جاون۔ ایس اکٹھ وچ ماں بولی دیہاڑے دےموقع تے اک پریس کانفرنس کرن تے پنجابی دیاں منگاں لئی اک جلوس کڈھن دا وی فیصلہ کیتا جیہڑا پریس کلب توں شروع ہو کے اسمبلی ہال تیکر جاوے گا۔ رلت کرن والیاں وچ مظہر ترمذی، نورالعین سعدیہ، ڈاکٹر ناصر رانا، امجد سلیم منہاس، اعجاز، حنیف شاکر، ڈاکٹر سعید بھُٹا، تنویر ظہور، اکرم وڑائچ، بابا نجمی، پروفیسر زبیر احمد، جمیل احمد پال، نصیر احمد تے ہورکئی سوجھواناں دے ناں نیں۔





Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels