Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> ماں بولیاں نوں قومی بولی دی تھاں دواؤڻ والا بل رد

ماں بولیاں نوں قومی بولی دی تھاں دواؤڻ والا بل رد

وچار ڈیسک
January 19th, 2011

قومی اسمبلی دی اسٹینڈنگ کمیٹی نے سندھی سڻے کئی ماں بولیاں نوں قومی بولیاں دی تھاں دیڻ دا آئینی سودھی بل رد کردتا ہے، جد کہ ماروی میمن تے نواب یوسف ٹالپر نے سندھی بولی نوں قومی بولی دی تھاں دواؤن لئی کوشش کرن دا اعلان کردیاں کہیا ہے کہ بل نوں بنا کسے وجہ دے رد کیتا گیا ہے، بل نوں رد کرن والیاں دی نیت دا پتہ لگ گیا اے، قومی اسمبلی دے قنون، نیاں تے پارلیمانی معاملیاں دے بارے اسٹینڈنگ کمیٹی دی بیٹھک پیر نوں پارلیمنٹ ہاؤس وچ چیئرپرسن بیگم نسیم اختر چوہدری دی اگوائی وچ ہوئی جیہدے وچ کمیٹی دے ممبر جسٹس (ر) فخر النساء کھوکھر، طارق شبیر، شکیلہ خان رشید، عبدالغفور چوہدری، انوشہ رحمان خان، ایس ای اقبال قادری تے سائرہ افضل تارڈ رلتی سڻ۔

بیٹھک وچ ماروی میمن ولوں ایوان دی پیش کیتی گئی علاقائی بولیاں نوں قومی بولیاں دی تھاں دواؤڻ لئی آئینی سودھ بل ورھا 2008 نوں سانجھے طور تے رد کیتا گیا۔ ماروی میمن نے میڈیا نوں دسیا پئی ایہہ بل بنا کسے وجہ دے ردیا گیا ہے، جے پتہ ہوندا تاں بل نوں اگے پا دینا سی، ماروی میمن کہیا کہ بل نوں رد کرن والیاں دی ذہنیت دا پتہ لگ گیا ہے پر علاقائی بولیاں نوں قومی بولی دی تھاں دواؤڻ لئی کوشش کردے رہواں گے، اوہناں کہیا کہ جدوں تیکر بیٹھک وچ کوئی پھڈا نہیں ہوندا اودوں تیکر ممبراں دی راء دا پتہ نہیں لگدا، اوہناں کہیا کہ مینوں آس نہیں سی کہ کوئی وی بل انج ردیا جاوے گا، کمیٹی بنا کسے وجہ دے بل نوں رد کیتا ہے، اوہناں کہیا کہ ایہہ بل اک واری پھیر پیش کیتا جاوے گا۔

نواب یوسف ٹالپر نے دسیا کہ مینوں بل رد ہووڻ توں بعد پتہ لگا کہ ماروی میمن نے کوئی بل پیش کیتا سی، ایس فیصلے نال ساڈیاں اوکڑاں ودھ گیاں نیں، میں پچھلی بیٹھک وچ علاقائی بولیاں نوں قومی بولیاں دی تھاں دواؤڻ لئی بل پیش کیتا سی پر سیاسی مسئلیاں پاروں ایہدے تے بحث نہیں ہوئی سی تے میں ایس حوالے نال ہوم ورک پورا کرلیا سی، اوہناں کہیا کہ میرے بل تے 50 ممبراں دے دستخط موجود نیں، ماروی میمن دا بل اوہناں دا ذاتی بل سی، نواب یوسف ٹالپر کہیا کہ سانوں ماروی میمن دے بل دا پتہ نہیں سی، جے اوہناں دا بل اچڻ چیتی کمیٹی وچ پیش کیتا گیا تاں ماروی میمن نوں بیٹھک وچ رلت کرن دی تھاں تے بل نوں اگے پوا لیڻا چاہیدا سی، اوہناں کہیا کہ پاس کرواؤڻ لئی لابنگ کرواؤڻ دی لوڑ پیندی اے تے میں ایس حوالے نال پک کرائی سی، اوہناں کہیا کہ کمیٹی ولوں بل رد ہوڻا ہرکھ والی گل ہے، بل نوں انج ردیا نہیں جا سکدا، اوہدے لئی وچار کرنا چاہیدا سی، ہڻ سانوں کوئی ہور طریقہ لبھڻا پوے گا، اوہناں کہیا کہ علاقائی بولیاں نوں قومی بولیاں دی تھاں دواؤڻا بڑا اچیچا کم ہے تے ایہدے لئی سوچاں گے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels