Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> چین وچ انگریزی بولی ورتن تے روک

چین وچ انگریزی بولی ورتن تے روک

وچار ڈیسک
December 23rd, 2010

چین نے ملکی میڈیا وچ غیر ملکی بولی اُچیچا انگریزی بولن تے روک لا دتی ہے۔ ایس روک وچ اخباراں، ویب سائٹ تے ہور دوجے ادارے رلتی نیں۔ چین دے سرکاری پریس تے اشاعتی ادارے نے کہیا ہے جو غیر ملکی لفظاں دی ملاوٹ نال چینی بولی دے خالص پن نوں گندہ کیتا جاندا ہے۔

چینی اک پرانی بولی ہے جیہدی لمی تے بھرویں تاریخ ہے۔

بیان وچ کہیا گیا ہے جو چینی لفظاں دا ورتاء اک چنگا تے معیاری ڈھنگ ہے، پریس تے دوجے چھپائی دے اداریاں نوں غیر ملکی بولیاں دے نکے لفظ تے ' چینگلش ' توں پرہیز کرنا چاہیدا ہے۔ چینگلش انگریزی تے چینی بولی رلا کے بنائی گئی ہے۔ ایہہ حکم ریڈیو تے ٹیلی ویژن تے وی ہووے گا جتھے انگریزی بولی دی بھرمار ہوندی ہے۔

سرکاری بیان وچ کہیا گیا ہے جے کِتے غیر ملکی بولی ورتنا بہت ضروری ہووے تے چینی بولی وچ اوہنوں کھول کے دسیا جاوے۔ چین وچ پریس تے پبلیکیشنز دے پربندھی ادارے دا کہنا ہے پئی جیہڑی پدھر تے ملک وچ معاشی تے سماجی بدلیاں آ رہیاں نیں، غیر ملکی بولیاں دی ورتوں ہر شعبے وچ ودھ رہی ہے۔

چین دے اک اخبار ' پیپلز ڈیلی' نے لکھیا ہے جو دوجیاں بولیاں دے لفظاں دی ملاوٹ نال چینی بولی تے بھیڑا اثر پے رہیا ہے، جیہدے ملکی ثقافت تے وی مندے اثر پے رہے نیں تے سماجی نقصان ساہمنے آؤنے شروع ہو گئے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels