Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> صوبہ سرحد: پنجویں تیکر ساری پڑھائی پشتو وچ، بارھویں تیکر پشتو لازمی مضمون

صوبہ سرحد: پنجویں تیکر ساری پڑھائی پشتو وچ، بارھویں تیکر پشتو لازمی مضمون

وچار ڈیسک
March 30th, 2010

وفاقی سرکار نے سرحد حکومت نوں سرکاری سکولاں وچ پنجویں جماعت تیکر پشتو وچ پڑھاؤن اتے بارھویں تیکر پشتو نوں لازمی مضمون کرن دا این او سی جاری کر دتا ہے۔ پشتو دا نصاب اگلے ورھے لاگو ہو جاوے گا۔

سرحد دی صوبائی سرکار نے اقتدار وچ آؤن مگروں پنجویں جماعت تیکر ساری سکولی پڑھائی پشتو وچ کرواؤن لئی وفاقی سرکار کولوں این او سی منگیا سی جیہدے تے چار مہینے مگروں پنجویں تیکر ساری پڑھائی پشتو وچ کرواؤن اتے بارھویں جماعت تیکر پشتو نوں لازمی مضمون دے طور تے پڑھاؤن دا این او سی جاری کر دتا گیا ہے۔ ایس این او سی تے اپریل 2011 ء توں عمل شروع ہو جاوے گا۔

این او سی ملن مگروں صوبائی سرکار دی ہدایت تے تعلیم دے محکمے نے پنجویں تیکر دیاں کتاباں دی چھپائی پشتو وچ کرواؤن لئی ٹیکسٹ بک بورڈ نال رابطہ کر لیا ہے اتے محکمے دے وسیلیاں موجب پشتو وچ کتاباں دی چھپائی دا کم چھیتی چھوہ لیا جاوے گا۔

ایس بارے صوبے دے تعلیم دے وزیر سردار حسین بابک نے آکھیا ہے پئی پنجویں جماعت تیکر بالاں نوں پشتو پڑھاؤنا اوہناں دے منشور دا حصہ ہے۔ اوہناں آکھیا پئی دنیا سے سارے دیساں وچ مڈھلی پڑھائی ماں بولیاں وچ کروائی جاندی ہے۔

اوہناں دسیا پئی صوبائی سرکار نے ایہہ وی فیصلہ کیتا ہے پئی جیہناں علاقیاں وچ اردو بہتی بولی اتے سمجھی جاندی ہے اوتھے پنجویں تیکر پڑھائی اردو وچ اتے جیہناں ضلعیاں وچ پشتو بولی تے سمجھی جاندی ہے اوتھے پشتو وچ پڑھایا جاوے گا تے پورے صوبے وچ بارھویں جماعت تیکر پشتو نوں لازمی مضمون دے طور تے پڑھایا جاوے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels