Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> سوات توں چٹھی: ماں بولی وچ پہلی دے پڑھیار پنجویں جماعت توں اگے

سوات توں چٹھی: ماں بولی وچ پہلی دے پڑھیار پنجویں جماعت توں اگے

وچار ڈیسک
February 24th, 2010

میرے ڈیلی ٹائمز وچ انگریزی دے کالم "ماں بولی وچ پڑھائی" نوں پڑھ کے سوات توں زبیر طورولی ہوراں اک خط لکھیا۔اوس خط نوں پڑھ کے میں اوہناں نال فون تے وی گل کیتی تے ہور جانکاری لئی۔ جو کجھ اوہناں دے خط تے اوہناں دی گل توں سمجھ آیا اوہ کجھ انج ہے۔

اوہناں دسیا جو اوہناں نے بچیاں نوں پڑھاؤن لئی ایہہ تجربہ کیتا ہے۔ اوہناں دے سکول وچ سب توں پہلے دو سالاں وچ مقامی مادری زبان پُروالی وچ پڑھایا جاندا ہے تے فیر اوہناں نوں اردو سکول نال جوڑیا جاندا ہے تے اگے جا کے انگریزی نال۔اوہناں دا اک سال چار ٹوٹیاں وچ ونڈیا ہوندا جیس وچ ہر ٹوٹا اٹھ ہفتیاں دا ہوندا ہے۔

اوہناں کہیا جو جیہڑا کجھ اوہناں دے پروگرام وچ جیہناں بچیاں چھ مہینے پڑھیا سی اوہناں نوں پنجویں پاس نیانیاں نال ٹیسٹ کیتا گیا۔ ایس وچ اوہناں دے پروالی پروگرام دے چھ مہینے پڑھے بچے پنجویں جماعت پڑھیاں نالوں اگے سن۔

ایہہ ایس گل دا ثبوت ہے جو جیس نیانے نوں اپنی بولی آؤندی ہے اوس نوں ہور زباناں وی چھیتی تے چنگیاں آؤندیاں ہین۔ تے ایس دے الٹ وی صحیح ہے جو جیس نیانے نوں اپنی ماں بولی وچ لکھنا پڑھنا (صرف بولنا نہیں) نہیں آؤندا اوس نوں دوجی زباناں دے بولن تے وی پکڑ نہیں ہوندی۔ ایسے لئی پنجابی نیانے ایم کرکے دس باراں سال انگریزی پڑھ کے وی انگریزی نہیں بول سکدے۔ اوہناں دی اردو وی واجبی جیہی ہی ہوندی ہے۔
خط دی نقل ایہہ ہے۔

http://www.wichaar.com/news/294/ARTICLE/19094/2010-02-24.html


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels