Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> پنجابی دی مقبولیت لئی اک وڈی لہر دی لوڑ

پنجابی دی مقبولیت لئی اک وڈی لہر دی لوڑ

اجیت دا اداریہ
November 1st, 2009

آپنے ہی صوبے وچ آپنی ہی زبان نوں صحیح معنیاں وچ لاگو کراؤن لئی جنی جدوجہد پنجابیاں نوں کرنا پے رہی ہے، شاید اینی جدوجہد دیس دے کسے ہور صوبے نوں نہیں کرنا پئی ہووےگی۔ دیس دی آزادی توں مگروں صوبیاں دی ونڈ وکھ وکھ خطیاں وچ بولیاں جان والیاں بولیاں دے مڈھ تے کیتی گئی سی۔ پر پنجاب وچ آپنے ہی لوکاں دے کجھ طبقیاں وچ آپنی ہی بولی لئی پیدا ہوئی بے گانگی پاروں اجیہا ممکن نہ ہو سکیا۔ ایسے لئی پنجابیاں نوں پنجابی بولی دے مڈھ تے پنجابی صوبے دی مڑ حد بندی لئی وڈا گھول کرنا پیا اتے واہوا گھول پچھوں پنجابی صوبے دا قیام ہویا۔ پر اس دے نال ہی اوس ویلے دے مرکزی حاکماں نے آپنی اچیچی پالیسی ہیٹھ پنجاب نوں چھانگ کے اس نوں بے حد چھوٹا جیہا صوبہ بنا دتا۔

دوجی حد بندی دے باوجود اس چھوٹے جہے بچ رہے صوبے وچ وی جو حال پنجابی بولی دا کیتا گیا ہے، اوہ سبھ دے ساہمنے ہے۔ اسیں پنجاب سرکار دے شکرگزار ہاں کہ اوہناں نے اس صوبائی بولی نوں اس دا صحیح درجہ دواؤن دا بیڑا چکیا ہے۔ اس لئی اوس ولوں دو قانون وی پاس کیتے گئے ہین۔ جیہناں موجب صوبے دے سارے سکولاں وچ دسویں تک پنجابی دا مضمون لازمی پڑھاؤنا ہووےگا اتے دوجے قانون موجب پنجاب دے راج کاج دا سارا کم پنجابی وچ کرنا ضروری کر دتا گیا ہے۔ پر فیر وی جس طرحاں دیاں خبراں مل رہیاں ہین، اوہناں توں ایہو اثر ملدا ہے کہ ایہناں قانوناں نوں پوری طرحاں لاگو کرن لئی حالے وڈے جتناں دی لوڑ ہے۔ پہلی گل ہے سرکار دی پنجابی بارے آپنی جُڑت۔ اوس توں بعد کہ سرکاری افسراں وچوں پنجابی بولی بارے بے گانگی دے جذبے نوں دور کرن دی لوڑ ہووے گی۔ اجیہا کم اوہناں نوں پریر کے اتے بنے قانوناں نوں سختی نال لاگو کرکے ہی کیتا جا سکدا ہے۔

اس وچ جے کسے طرحاں دیاں اوکڑاں پیش آؤن تاں اوہناں نوں ہر حیلے حل کرن دی لوڑ ہووے گی۔ اس دے نال نال غیر سرکاری پدھر تے وی لوکائی ستھاں ولوں لوکاں نوں آپنے وسیب اتے آپنی بولی نال پیار کرن اتے اس نوں اپناؤن دی پریرنا دین دی لوڑ ہووےگی۔ اس توں وڈے ہرکھ دی گل کیہ ہو سکدی ہے کہ پچھلے سمیں وچ اس زبان بارے نویں پیڑھی وچ کئی طرحاں دے بھرم بھلیکھے اتے ہینے ہون دے جذبات پیدا کرن دے جتن کیتے گئے۔ اج وی کئی پدھراں تے اجیہے منفی جتن جاری ہین۔ اجہیاں چالاں نوں سچیت روپ وچ پنجابی پیاریاں ولوں اک وڈی لہر بنا کے ناکام کیتا جا سکدا ہے۔ اسیں اس گل تے سکھ دا ساہ لیندے ہاں کہ وڈی گنتی وچ آپنے وسیب اتے آپنی زبان نوں پیار کرن والے سجن پنجابی نوں چڑھدی کلا وچ لے جان لئی میدان وچ نترے ہین۔ اوہناں دے لگاتار اتے بھرویں جتناں صدقہ ہی اج پنجابیاں وچ آپنی بولی بارے پیار مڑ توں پیدا ہون لگا ہے اتے پنجابی دے اجلے بھلک لئی آس دی کرن جاگی ہے۔ ساڈا یقین ہے کہ بھلک وچ وی اوہناں ولوں الیکیاں گئیاں سکیماں دے چلدیاں پنجابی دا لگاتار ہو رہیا نگھار رک جاوےگا۔

ایہناں جتناں لئی پنجابی پیارے لکھاریاں اتے سوجھواناں دے نال نال اسیں پنجاب دی وزیر تعلیم بی بی اپندرجیت کور دی وی سلاہنا کردے ہاں جیہناں نے پچھلے سمیں وچ بھرویں جتن کرکے آپنی بولی نوں پردھان بناؤن دا اک ٹھوس مڈھ تیار کیتا ہے۔ راج سرکار ولوں نومبر دے مہینے نوں پنجابی مہینے دے طور مناؤن دا فیصلہ وی بڑا سلاہن جوگ ہے۔ اسیں آس رکھدے ہاں کہ اس مہینے وچ سرکار دے نال نال پنجابی پیاریاں دے وڈے جتناں نال پنجاب، پنجابی تے پنجابیت پکھی اک وڈی لہر پیدا ہووے گی جس توں ٹھوس کامیابیاں دی آس ہو سکدی ہے۔ پک ہے پئی ایہناں سبھاگے جتناں تے آؤن والیاں پنجابی پیڑھیاں مان کر سکن گیاں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels