Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> اوبر ولوں اڈاری ٹیکسیاں ۔اشرافیہ لئی نواں کھڈونا۔ہک گھنٹے وچ 322 کلو میٹر

اوبر ولوں اڈاری ٹیکسیاں ۔اشرافیہ لئی نواں کھڈونا۔ہک گھنٹے وچ 322 کلو میٹر

وچار ڈیسک
November 11th, 2017

عام بندہ ٹریفک وچ پھسیا رہے اتے مہنگے کرایے خرچن والے موجاں کرن اتے مڈل کلاس انہاں دے مگر تالیاں ماردی دوڑے گی۔ایہو ترقی دا نواں بوتھا ہے۔ایہہ ساینس دی ترقی ہے یا اشرافیہ دا کھیڈ، خبر پڑھ کے آپ سوچو۔
کیلیفورنیا:آن لائن وہیکل شیئرنگ سروس اوبر نے اپنے صارفاں لئی 2023 تک اڈن والی یعنی اڈاری ٹیکسی سروس شروع کرن دا اعلان کردتا۔ موجودہ دور وچ ودھدی ہوئی آبادی تے ایس توں ودھن والے مسائل خصوصاً ٹرانسپورٹ دی پریشانی نے انسان نوں ذہنی تے جسمانی طور تے سب توں زیادہ متاثر کیتا ہے۔ ایس گل نوں چیتے رکھدے ہوئے عوام(ایتھے عوام دا مطلب اشرافیہ ہے) دی سہولت لئی اوبر تے کریم ورگی پروائیویٹ ٹیکسی سروس متعارف ہوئیاں پراوبر نے ہن اونتری سروس شروع کرن دا اعلان کردتا ہے۔ رپورٹاں پاروں امریکی خلائی ادارہ ناسا اڈاری سروس دے حوالے نال دوجی کمپنیاں دے نال ٹریفک مینجمنٹ تے کم کررہیا ہے۔ جداں کہ ایس حوالے نال اوبر دی وی ناسا دے نال ایہہ پہلی رلت داری ہے۔ اوبر نے لزبن وچ ویب توں متعلق اک مشہور کانفرنس وچ اعلان کیتا کہ کمپنی نے ناسا دے نال اک خلائی ایکٹ معاہدے تے دستخط کیتے نیں جس دے تحت انسان دے بغیر ہوائی ٹریفک مینجمنٹ تے معاملے اگے ودھائے جان گے۔ ناسا ولوں ایس معاہدے دا مقصد بغیر پائلٹ دی ہوائی ٹیکسیاں تے ڈروناں نوں گھٹ بلندی تے بحفاظت اڈن دی راہ ہموار کرنا ہے۔ ایس سروس نوں سافٹ ویئر دے ذریعے کنٹرول کیتا جائے گا۔ اوبر دے چیف آفیسر جیف ہولڈر دا کہنا سی کہ اوبر ابتدا وچ 2022 تک لاس اینجلس وچ 4 افراد تے مشتمل 322 کلو میٹر فی گھنٹے دی رفتار نال اڈن گڈی دا تجربہ کرے گا ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels