Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> موٹروے پلس :گونگے بہریاں نوں ڈرائیونگ لیسنس دین دا فیصلہ۔گڈ

موٹروے پلس :گونگے بہریاں نوں ڈرائیونگ لیسنس دین دا فیصلہ۔گڈ

وچار ڈیسک
October 24th, 2017

اک زمانہ سی جداں معذوراں نوں وکھرا رکھیا جاندا سی اتے یا انہاں تے ترس کھایا جاندا سی یا فیر ایہہ سمجھ لتا جاندا سی پئی انہاں دا مقدر وکھرے رہنا ہی ہے۔پر دنیا نوں ایہہ گل سمجھ آ چکی ہے پئی اک رلویں یعنی Inclusive پالیسی پاروں ہی اساں معذوراں نوں متحرک واسی بنا سکدے ہاں۔پنجاب وچ تے ہن تعلیمی اداریاں وچ وی اجہی رلویں پالیسی تے مرحلہ وار کم شروع ہو چکیا ہے۔موٹروے پلس اک ودھیا کم کیتا ہے اتے باقیاں نوں وی ایس بارے سوچنا لوڑی دا ہے۔میڈیا نوں ایس حوالے نال آپدا کردار ادا کرنا چاہیدا ہے۔
موٹر وے پلس دا گونگے بہریاں نوں ڈرائیونگ لیسنس جاری کرن دا فیصلہ کیتا ہے۔نیشنل ہائی ویز سیفٹی آرڈی نینس 2000 دے قنون وچ ترمیم پاروں نیشنل ہائی ویز سیفٹی ترمیمی بل 2017 لیایا جائے گا جو فوری طور تے نافذہو جائے گا۔ نیشنل ہائی وے اینڈ موٹروے پلس نے مجوزہ بل بناکے 19 مئی 2017 نوں سیکرٹری مواصلات نوں گھل دتاہے تانجے اوہ وزارت قنون و انصاف و حقوق توں قنونی رائے لین۔ وزارت توں ملن والی معلومات دے مطابق موٹروے پلس نے ایسے بہریاں نوں موٹروے پلس دے روڈ سیفٹی ٹریننگ انسٹی ٹیوٹ توں معیاری ڈرائیونگ سکھان دا فیصلہ کیتا ہے۔ موٹروے پلس نے سیکرٹری مواصلات نوں گھلی گئی سمری وچ آکھیا ہے کہ بہرے وی معاشرے دے قیمتی شہری نیں جو ہمیش اپنی معذوری دی وجہ توں ڈرائیونگ توں ڈس کوالیفائیڈ ہوجاندے سن ا تے انہاں نال عام شہریاں جیسا مساوی سلوک نہیں ہوندا سی۔انہاں نال نوکریاں اتے تعلیمی اداریاں وچ وی امتیازی سلوک ہوندا ہے۔ ترقی یافتہ ملکاں وچ ایسے امتیازی سلوک نوں بھیڑا سمجھیا جاندا ہے اتے انہاں دی ترقی دی راہ وچ رکاوٹاں نوں دور کیتا جاندا ہے۔اینج اوہ عام شہریاں وانگ زندگی گذار سکدے نیں۔ ایس لئی جنج کئی ترقی یافتہ ملکاں نے بہریاں نوں ڈرائیونگ لیسنس جاری کیتے اینج ہی ہن پاکستان وچ انہاں نوں ڈرائیونگ لیسنس دین لئی قنون سازیاں کیتیاں جا رہیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels