Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> جاپان: جزیرہ جتھے زنانیاں نہیں جا سکدیاں۔یونیسکو عالمی ورثہ آکھ دتا۔صنفی مسلہ تے یونیسکو دے سمجھوتے

جاپان: جزیرہ جتھے زنانیاں نہیں جا سکدیاں۔یونیسکو عالمی ورثہ آکھ دتا۔صنفی مسلہ تے یونیسکو دے سمجھوتے

وچار ڈیسک
July 11th, 2017

جے اجیہا جزیرہ پاکستان یا کسی مسلمان ملک وچ ہوندا اتے زنانیاں دے جان دی اجازتاں نہ ہوندیاں تے صنفی بربری پاروں کھپ پئے جاندی۔اسلام تے سوال وادھو ہوندے۔پر ایہہ تے جاپان ہے تاں مارے یونیسکو ایس نوں رگیدن دی ہمتاں نہیں کیتیاں سگوں اوس نوں عالمی ایجنڈا آکھ دتا۔لگدا ہے چین مخالفتاں پاروں جاپان بارے اجہی گلاں کرنیاں منع نیں۔ساڈے ایتھے جیہڑے لوک یونیسکو دے مامے نیں اتے چینی پراجیکٹاں خلاف تیزیاں وکھاندے نیں اوہ وی ذرا ایہہ خبر پڑھن۔بی بی سی والیاں ایہہ ہشیار خبر چھاپی ہے پر انہاں وی یونیسکو نوں کجھ نہیں آکھیا۔کل نوں جنہاں چیمبراں وچ ہٹلر ہوراں ہیودی مارے سن انہاں نوں وی عالمی ورثہ بناؤ گے؟جاپان چین مخالف کیمپ دا وڈا پہلوان ہے پر خبر ایہہ دس رہی ہے کہ صدیاں توں جاپانیاں دا سانگا چین نال ہی سی۔ہن خبر پڑھو
اقوام متحدہ دے ادارے یونیسکو نے جاپان وچ قدیمی مذہبی حیثیت رکھن والے ایس جزیرے نوں عالمی ورثہ قرار دے دتا ہے جتھے زنانیاں دا داخلہ منع جے۔ اوکینو شیمار تے سترہویں صدی وچ اوکیستو نامی دھرمی تھاں بنائی گئی جتھے سمندر وچ جان والیاں دی خریت لئی دعا کیتی جاندی سی۔ جزیرے تے اترن توں پہلاں مرداں نوں اپنے کپڑے لا کے پاک ہون دی رسم ادا کرنی ہوندی سی۔ واپسی تے انہاں نوں ایتھوں کوئی وی چیز بطور نشانی لے جان دی اجازت نہیں تے نہ ہی ایتھوں دے دورے دی تفصیلاں کسی نوں دس سکدے نیں۔ جاپان ٹائمز دی رپورٹ دے مطابق جداں ایہہ عبادت گاہ تعمیر کیتی گئی سی اوکینو شیما تے سمندر وچ جان والے جہازاں تے چین تے کوریا دے لوکاں دے نال تجارتی تعلقات لئی دعا کیتی جاندی سی۔ ایس جزیرے تے ہزاراں نوادارات بطور تحفہ لیائے گئے جیہناں وچ کوریا توں لیائی جان والی سونے دی انگوٹھیاں شامل نیں۔ ایس جزیرے تے ہر سال وچ صرف اک دن لئی لوکاں نوں جان دی اجازت ہے۔ ایہہ قدیم روایت ہے جیہڑی ہن وی قائم ہے۔ ایتھے آن والیاں دی تعداد وی صرف 200 افراد تک محدود ہے۔ انہاں نوں لازمی طور تے سمندر وچ طہارت دا عمل کرنا ہوندا ہے تے سب توں وڈی چیز انہاں دا مرد ہونا لازم ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels