Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> قنونی دی حکمرانی: ملکہ سیٹ بیلٹ بغیر: ملکہ نوں استثنیٰ حاصل ہے۔

قنونی دی حکمرانی: ملکہ سیٹ بیلٹ بغیر: ملکہ نوں استثنیٰ حاصل ہے۔

وچار ڈیسک
June 26th, 2017

برطانوی ملکہ اپنے پُتر تے اگلے بادشاہ چارلس دے نال پچھلی سیٹ تے بیٹھی سی اتے ڈرائیور گڈی چلارہیا سی۔ اوہ پارلیمنٹ وچ خطاب کرن بکنگم محل توں ویسٹ منٹسٹر جارہی سی۔ چیتے رہے برطانیہ وچ پچھلی سیٹاں تے بیٹھن والیاں نوں وی سیٹ بیلٹ پانی ہوندی ہے اتے جیہڑا ایس قنون نوں توڑدا ہے اوس نوں 500 پاؤنڈ جرمانہ ہوسکدا ہے۔ روسی ٹی وی آرٹی والیاں ایہہ خبر بڑے مزے مزے نال 23 جون نوں رپورٹ کیتی۔ جداں اک شہری ایہہ ویکھیا کہ ملکہ سیٹ بیلٹ دے بغیر سفر کر رہی ہے تے اوس ایمرجنسی نمبر 999 تے کال کرکے ایس بارے دس دتا۔ ویسٹ پارک شائر پلس اپنے سرکاری ٹوئیٹ اکاؤنٹ تے ایس کال نوں سنن دی تصدیقاں کردتیاں۔ ایہہ ٹوئیٹ 21 جون نوں کیتی گئی سی جدوں ملکہ دا قافلہ رواں دواں سی۔گل ایتھے مکی نہیں اتے جداں مرر Mirror اخبار دے بلارے نے ویسٹ پارک شائر پلس دے ٹام bonehoe نوں پچھیا تے جان چھڑان لئی اوس آکھیا کہ 999 دا نمبر تے نرا ایمرجنسی لئی ہے۔ ملکہ نوں دیوانی تے فوجداری مقدمیاں توں استشنیٰ ہے۔ ملکہ دے پریس آفس نے ایس ماملے تے رائے دین توں ہی انکار کردتا۔ شاہی خاندان تے ملکہ بارے اجہی خبراں اکثر چھیدیاں رہندیاں نیں۔ اک ہور اجہی رپورٹ نوں وی آرٹی والیاں اپنی خبر دا حصہ بنایا ہے جس وچ دسیا گیا سی کہ اک رات ملکہ کمرے توں نکل کے باہر پھرن لگی۔ ملکہ نوں نہ سون دی بماریInsomnia ہے۔ رات دا اخیری پہر سی تے ڈیوٹی تے گشت کردے سپاہی نوں ہنیرے وچ ہلچل نظر آئی جداں اوس نوں پتہ چلیا کہ ایہہ کوئی ہور نہیں سگوں ملکہ ہے تے وہ بولیا میں تے گولی مارن ہی والا سی۔ Bloody hell, your Majesty, i nearly Short you. بیلٹ نہ بنن والی خبر تے قنون دی حکمرانی دا آپ مذاق بنارہی ہے کہ تاں مارے آرٹی والیاں لیڈی ڈیانا دے پُتر اتے بادشاہ بنن دی لائن وچ تریجے نمبر آون والے پرنس ہیری دا بیان وی چھاپیا ہے۔ ہیری شاہی خاندان دے اندر دا گواہ ہے پر اوہ نال و نال ڈیانا دا پُتر وی ہے۔ اوس کجھ دن پہلاں ہی آکھیا سی کہ اج شاہی خاندان دا کوئی بندہ وی بادشاہ تے ملکہ نہیں بننا چاہندا۔ ہورے اوس دا اشارہ شاہی خاندان دی اجہی کرتوتاں ول ہی سی۔اجہی خبراں پاکستان وچ نہیں چھپدیاں ، کیوں بھلا، ایہہ پچھن دی لوڑ نہیں، اساں بڑے پکے غلام ہاں۔
https://www.rt.com/uk/393719-queen-reported-police-seatbelt/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels