Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> خیبر پی کے حکومت کھوتے باہر گھلن لئی تیار:پائیدارکھوتا ڈویلپمنٹ پراجیکٹ

خیبر پی کے حکومت کھوتے باہر گھلن لئی تیار:پائیدارکھوتا ڈویلپمنٹ پراجیکٹ

وچار ڈیسک
April 9th, 2017

انگریز دے زمانے وچ گھوڑا پال تے مج پال سکیماں بارے تے سنیا سی پر ہن تساں خیبر پختونخوا کھوتا پال سکیم بارے وی سنو گے۔ اک پاسے کھوتیاں توں جان چھٹے گی تے دوجے بنے صوبے نوں فیدے ہون گے، چوپڑیاں اوہ وی دو، دو۔صوبائی سرکار نوں ضلعیاں وچ مقابلے کروانے چاہیدے نیں تانجے پتہ چلے کہ صوابی، چارسدے وچ کھوتے وادھو نیں یا نوشہرہ، بنوں وچ۔ہن تے فاٹا وی صوبے وچ رلن لئی تیار ہے تاں مارے باجوڑ،کرم توں جنوبی و شمالی وزیرستان والیاں نوں وی دعوت دتی جاسکدی ہے پئی اوہ اپنے اپنے کھوتے باہر گھلن دی تیاریاں کرن۔کیونجے کھوتیاں دی تے کوئی قومیت نہیں ہوندی تاں مارے دوجی قومیتاں تے صوبیاں توں وی کھوتے خیبر پی کے لیجائے جاسکدے نیں۔صوبہ دی ترقی لئی کاروباراں نوں ودھانا لوڑی دا ہے اتے تاں مارے خیبر پی کے دی سرکار فیصلہ کیتاہے کہ کھوتیاں دا کاروبار صوبے نوں فیدے دے گا۔ ویسے تے خیبر پی کے وچ کھوتے وادھو نیں پر سرکار فیصلہ کیتا ہے پئی کھوتیاں دی پیداوارہور ودھائی جائے۔ صوبائی سرکار اج کل ایس تجویز تے تیزی نال کم کررہی ہے جس پاروں چین نوں کھوتے گھلے جان گے۔ پروگرام دا ناں ہے ’’پائیدار کھوتا ڈویلپمنٹ پروگرام‘‘ ہے اتے صوبائی منصوبہ بندی دا محکمہ ایس تے کم کررہیا ہے۔ تمام سٹیک ہولڈرز نال مشاورت جاری ہے اتے ایس وچ کھوتیاں نوں وی رلتی کیتا گیا ہے یا نہیں ایس بار خٹک ہوری ہی کجھ روشنی پا سکدے نیں۔سنیا جے کہ نائیجریا، کینیا ورگے افریقی ملک پہلاں ہی چین کھوتے گھلن نال بڑا مال کمارہے نیں۔ ویسے پچھلے دناں پنجاب وچ کھوتے غیب ہونا شروع ہوئے سن اتے پتہ چلیا سی کہ کھوتے دا گوشت ویچ دتا جاندا ہے تے کھوتے دی کھل غیب ہوجاندی ہے۔ ہوسکدا اوہ کھوتا ڈویلپمنٹ دا پائلٹ پروگرام ہوئے۔ اخباری خبر مطابق 18خٹکی سرکار اپریل نوں ایس تجویز نوں چین لیجائے گی۔ ایس پروجیکٹ نال صوبائی سرکار نوں کجھ لبھے یا نہ لبھے البتہ کھوتیاں دی سنی جائے گی۔ کھوتے گھٹ و گھٹ، 68 سال بعد ایہہ تے آکھ سکدے نیں کہ پاکستان دے کسے صوبہ انہاں نوں اہمتیاں دتیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels