Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> میٹرو دی برکات:ووہٹی وی مل سکدی جے! پبلک ٹرانسپورٹ تے پبلک وچ ویاہ (ویڈیو)

میٹرو دی برکات:ووہٹی وی مل سکدی جے! پبلک ٹرانسپورٹ تے پبلک وچ ویاہ (ویڈیو)

وچار ڈیسک
March 3rd, 2017

ملبورن (آسٹریلیا) 35 سالہ ریان تے 27 سالہ ہانا میٹرو وچ اک دوجے نوں ویکھیا، پسند کیتا تے ریان ہوراں اوتھے ہی اوس نوں شادی دا سنیہہ دے چھڈیا اتے اوس قبولیا وی۔ میٹرو دی اجہی کہانیاں بارے ساڈے ایتھے ہلے حکمراناں نوں پتہ نہیں چلیا پر ہورے ایس ویلے وی لہور، پنڈی ملتان میٹرو وچ کڈے رانجھے اپنیاں ہیراں لبھدے ہون گے۔ جے آسٹریلیا ورگے ملک وچ ایہہ ہوسکدا ہے تے اساں کسے کولوں گھٹ ہاں۔ جمعے دے دیہاڑ 35 سالہ ریان جیکا 27 سالہ ہانا ڈیٹریچ نوں میٹرو ٹرین وچ سفر کردے شادی دا آکھیا اتے گوڈیاں بھار چلدی گڈی دے فرش تے بیٹھ گیا۔ سواریاں اوس دی گواہ بنیاں تے کجھ ویڈیو وی بنادے رہے۔ مطلب گواہ تے کیمرے مفت مل گئے۔ پئی پبلک ٹرانسپورٹ دے کیسے کیسے فیدے نیں اسی بارے تے اساں ہلے سوچنا شروع ہی نہیں کیتا۔ ایہہ ویڈیو میٹرو والیاں اپنے سرکاری ٹوئیٹر تے فیس بک اکاوئنٹاں تے چلائی تے ایہہ شئیر و شئیر ہوندی گئی۔ ایہہ دونوں لمیرے چر توں میٹرو وچ سفر کررہے سن تاں مارے چلدی گڈی وچ بس ڈرائیور اعلان کیتا پئی ساڈے دو پرانے گاہک ہن شادی دے بندھن لئی تیار نیں۔ منڈا ذرا نروس سی اتے کڑی اینج دی حرکتاں کررہی سی جنج اوس نے اعلان سنیا ہی نہیں۔ کڑیاں تے ہوندیاں ہی کہچری نیں تے انہاں نوں چکڑ کرکے تلکنا آندا ہے پر اوہ ایہہ آکھنا وی نہیں چاہندیاں پئی چکڑ انہاں کیتا ہے۔ ویکھو، آسٹریلین کڑیاں وی اینج دیاں ہی نکلیاں۔ ریان ہوراں بعد وچ آسٹریلین ریڈیو ’’3AW‘‘ نوں دسیا پئی اساں دس سال توں ایس میٹرو وچ سفر کررہے ساں۔ منڈا پہلے گوڈیاں بھار بیٹھا تے جداں کڑی ہاں کردتی تے اوس نوں مندری وی پائی۔
Watch and enjoy
http://www.ndtv.com/offbeat/australian-man-pulls-off-surprise-wedding-proposal-with-help-of-metro-train-driver-1665644?story_interestedin_social


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels