Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> ٹیکسٹ دی غٹرغوں

ٹیکسٹ دی غٹرغوں

January 9th, 2017

ایہہ تے تہاڈے نال وی ہوئیا ہوئے گا کہ تسی کسے دے نال گل بات کر رہے او تو اودھے فون وچ ہولی جئی ٹن ہوندی ہے تو اوہ اپنی گل وچکار چھڈ کے اپنے موبائل فون نوں آن کردا اے تے فیر اوہدے ہونٹاں تے شرارتی جئی مسکان آندی اے یا فیر اوہ تھوڑا جیا سنجیدہ ہوجاندا اے تے سکرین تے اپنی شہادت دی انگلی یا دونویں انگھوٹیاں دے کرتب وکھاندیاں ہوئیان چھیتی چھیتی کجھ ٹائپ کرن لگ پیندا اے۔ ایس حرکت نوں اج کل دی جدید زبان وچ ٹیکسٹنگ کہندے نین۔تے پرانے زمانے وچ اہنوں بدتمیزی آکھیا جاندا سی کہ تسی اپنے ساہمنے والے بندے تے اکا دھیان ای نہ دیو تے کجھ ہور کرن لگ پو۔پر ہن ایہہ بد تمیزی اج دے نویں زمانے دافیشن بن گئی اے۔جے تہانوں ٹیکسٹ کرن نہیں آندا تے تسی معاشرے توں عملی طور تے کٹے ہوئےہو،تے لوکی تہانوں اجڈ تے گنوار سمجھدے نین۔ کئی منہ پھٹ ایہہ گل تہاڈے منہ تے وی آکھ دیندے نیں۔

کجھ سال پہلے تائیں میرے کول اک ادھا کلو وزنی موبائل فون ہوندا سی۔ تے میں اپنے آپ نوں دوستاں دے مقابلے وچ ماڈرن سمجھدا سی۔ کیوں جے انہاں دے گھراں وچ لینڈ لائن فون ہوندے سن۔ پر موبائل فون دا مینوں صرف نقصان ای ہوئیا۔ میں جدوں وی گھر توں باہر نکلیا تے اوس تے فون ہمیشہ میری بیوی دا ای آیا کہ کتھے او۔ قدوس دے کول تے نیں ٹر گئے۔ اوہ تے ویہلا بندہ اے۔اوہ تہاڈا وقت برباد کرے گا۔پتہ نیئں بیویاں نوں اپنے خاونداں دے دوست نکمے تے مطلب پرست کیوں لگدے نیں۔جدوں تائیں اوہ اپنے خاونداں نوں یار بیلیاں توں دور نہ کرلین اوہناں نوں چین ای نیئں آندا۔قدوس ہوراں دا مسئلہ صرف عمران خان اے۔ اوہدا دھرنا نیئں سگوں اوہدی شادی۔ اوہ جد وی فون کردے نیں ایہہ پچھدے نیں کہ عمران اگلا ویاہ کدوں کرریئا اے۔ فیر اونہاں دا اگلا سوال ایہہ ہوندا اے کہ تسی اپنے ایمان دے نال دسو کہ میری شکل عمران توں چنگی نیئں اے۔ میرے کول تے امریکہ دا پاسپورٹ وی اے۔ ساڈے ول کوئی تکداای نیئں۔ ایہ ای قوم دے زوال دے اسباب نیں۔

ٹیلی فون تو پہلاں دا زمانہ خطاں دا زمانہ سی۔ خط لکھنا وڈے قاعدے قرینے دا معاملہ سی۔ اساڈے سکول دے زمانے وچ خط نویسی کورس وچ شامل سی تے سانوں خط لکھنے سکھائے جاندے سن۔اوس زمانے وچ اساں غالب، جانثار اختر ، راجہ انور تے پتہ نہیں کیہڑے کیہڑے مشومر لوکاں دے خط پڑھے سن تے اوہ اوہناں نوں پڑھ کر بڑا غصہ آندا سی کہ اساڈے وچ کیہڑے کیڑے پیے ہوئے نیں کہ اساڈے ول کسے گلابی خط والے دا دھیان ای نیئں جاندا۔

خطاں توں پہلاں دا زمانہ کبوتراں دا زمانہ سی۔پیغام رسانی کبوتراں نال کیتی جاندی سی۔ پتہ نہیں اوہناں پیغاماں وچ کیہ غٹرغوں ہوندی سی تے پتہ نہیں کہ اوس غٹڑغوں توں بعد کیہ ہوندا سی۔ کیوں جے اوس زمانے وچ تاریخ صرف بادشاہواں تے راجیاں مہارجیاں دی لکھی جاندی سی۔تے تاریخ دان اوہوکجھ لکھدے سن جو بادشاہ نوں پسند ہوندا سی۔تاریخ وچ نورجہاں دے کبوتراں دا تے ذکر اے پراساڈے تہاڈے کسے عام بندے دی غٹرغوں بارے اک جملہ وی نہیں  ملدا۔کبوتراں توں پہلاں کیہ ہوندا سی کجھ پتہ نہیں ۔ پر کجھ نہ کجھ ہوندا ضرور سی ۔ ایویں تے دنیا دی آبادی اگے ول ٹردی رہی۔
 
نویں زمانے دی ٹیکسٹنگ نال میری واقفیت نویں نویں اے۔ سمارٹ فون لیاں مینوں تھوڑا چر ہویا اے۔ مینوں سمارٹ فون دی لوڑ تے نہیں اے۔ پر میں لے لیا اے۔ اساں بوہت ساریاں چیزاں کسے لوڑ دے بغیر ای لے لیندے آں جہدے نال سانوں کافی پریشانیاں وی ہوندیاں نیں ۔ مثال دے طور تے بیوی۔

سمارٹ فون نے مینوں بہت مصروف کر دتا اے۔ تھوڑی تھوڑی دیر مگروں فون تے ہولی جئی ٹن ہوندی اے۔ میں اوہنوں آن کرداں واں تو اوتھے کوئی نواں ٹیکسٹ موجود ہوندا اے۔ مینوں تے ہن پتہ لگیا اے کہ پاکستان وچ میرے اینے زیادہ جانن آلے نیں۔ پتہ نیں لوکی کتھوں میرا نمبر لے کے مینوں ٹیکسٹ کردے نیں کہ پہچانیا میں فلاں واں تے فیر اوس توں بعد لطیفے شروع۔ انج لگدا اے کہ اج کل ٹیکسٹ لطیفیاں لئی استعمال ہو رہیا اے۔میں سمارٹ فون لین توں بعد ہن تک اینے لطیفے پڑ چکیاں واں جتنے بچپن توں لے کے سمارٹ فون خریدن تک نہیں پڑھے سن۔ کون کہندا اے کہ پاکستان وچ بہت مسئلے نیں۔ بھلا پریشان لوکاں دا دھیان لطیفیاں ول جاسگدا اے۔

تسی اہنوں لطیفہ نہ سمجھنا۔ میں تہانوں اک ہفتہ پہلے دا سچا واقعہ دس رہیاں واں۔ ہوئیا ایہ کہ میں اک فنگشن وچ گیا۔ اوتھے اک کونے وچ میں پنج عورتاں نوں ویکھیا۔اور کرسیاں جوڑ کے بیٹھیاں سن۔ اوہ چپ سن تے آپس و چ کوئی گل بات نیئں کر رہیاں سن بلکہ اپنے اپنے سمارٹ فون تے ٹیکسٹنگ ک


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels