Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> سوشل میڈیا راہیں جھوٹ پھیلاون دا سال:2016

سوشل میڈیا راہیں جھوٹ پھیلاون دا سال:2016

Wichaar Desk
December 28th, 2016

انٹرنیٹ تے سوشل میڈیا راہیں ایس ایس ذات دا جھوٹ پھیلایا گیا کہ 2016نوں شوشل میڈیاراہیں جھوٹ پھیلاون ولا سال آکھ دتاگیا۔ ویسے تے پاکستان وچ اساں سب ہرروزسوشل میڈیا تے جھوٹی پوسٹاں ویکھدے ہی رہندے ہاں اتے جعلی اکاوئنٹاں دا ہک بھنڈاروی نظرآندا ہے پرایہہ خبر انڈیا تو آئی ہے۔ خبر پڑھ کے لگداہے پئی ایس جھوٹ توں کوئی وی بچیا نہیں۔انہاں جھوٹی خبراں تے بڑے بڑے سمجھداربندے تے زنانیاں بغیر غورکیتے Likeیا ٹویٹ کر دیندے نیں۔ یاد جے، سابق مارشلائی صدر پرویز مشرف نوں وی ’’لائقاں‘‘ مروایا سی اتے اوہ تڑاپر تڑاپر پاکستان اپڑ گئے سن۔پاکستان وانگ بھارت وچ وی اج کل ویلہ سوشل میڈیا دی دیوی تے ڈھلیا ہویا ہے۔16کڑوڑ واٹس اپ، 15کڑوڑ فیس بک اتے دوکڑوڑ تے20لکھ ٹوئیٹر اکاونٹاں نال نال بھارت وچ سوشل میڈیا دے ہور وی بڑے ذریعے نیں۔ایہہ وی ویکھیا گیا ہے پئی اک جھوٹی پوسٹ بعدوں وڈے وڈے اداریاں نوں وضحاتاں دینیاں پئے جاندیاں نیں تے اوہ مین سٹریم میڈیا ول دوڑدا ہے۔کوڑ پوسٹاں تے کوڑ اکاونٹاں دی بھرمار پاروں فیس بک والیاں وی آپدی پالیسیاں تے مڑ جھات پائی ہے۔پہلاں تساں کجھ جھوٹی خبراں پڑھو۔جون وچ اک خبر واٹس اپ توں شروع ہوئی تے پھیر وڈی تعداد وچ فیس بک تے ٹوئیٹر تے وی چلی۔خبر ایہہ سی پئی اقوام متحدہ دے ادارے یونیکسونے مودی نوں دنیادا سب توں چنگاوزیراعظم دسیا ہے۔پئی تساں یونیسکو دی ویب سائٹ توں ہی ایس نوں کنفرم کر لینا سی پر ایڈا ٹائم کس کول، بس لکھاں بندیاں ایس نوں لائیک،ٹوئیٹ تے شئیر کیتا۔پھیر یونیسکو دے حوالہ نال اک ہور پوسٹ بڑی چلی جس وچ بھارت دے قومی ترانے نوں دنیا دا سب توں چنگا ترانہ آکھیا گیا سی۔ کسے بندے ایہہ وی چیک نہ کیتا پئی ایہہ یونیسکو تے کلچر تے تعلیم دے حوالے نا ل کم کرداہے، ایس داوزیراعظماں اتے قومی ترانیاں نال کوئی دوردوردا وی تعلق نہیں۔اک ہور خبر جس نوں بھارتیاں سوشل میڈیا تے پھیلایا وی تے اس تے عمل وی کیتا اوہ دولت اسلامیہ ISIS بارے سی۔ایہہ آکھیا گیا پئی آئی ایس والے واٹس اپ تے موجود زنانیاں دی فوٹواں نوں ورتدے نیں تاں مارے تساں آپدی زنانیاں دی فوٹواں ڈیلیٹ کردیو۔اک خبر ایہہ وی وڈی گنتری وچ چلی کہ دس پیسے دا سکہ بند ہو گیا ہے اتے اس دا جعلی نوٹیفکیشن وی نال واٹس اپ ہویا۔کجھ دناں ہی وچ پکار پئے گئی اتے رکشا ڈرائیوراں تے فقیراں وی دس پیسے دا سکہ لینا بند کردتا۔ ہار کے ریزرویو بینک آف انڈیا نوں آپ مین سٹریم میڈیا راہیں وضحاتاں کرنیاں پیاں۔مشہور بھارتی لیڈر جے للیتا ہوراں دے مرن توں بعد انہاں دی لکویں امریکی دھی بارے خبراں وی شوشل میڈیا تے دھم مچائی تے ایس بارے ٹاک شو کرن والیاں وی سوال چکے۔ اک دن واٹس اپ توں لون دی شارٹیج بارے خبر چلی تے پھیر چلدی ہی گئی۔بھارت دے کجھ صوبیاں وچ لون گھٹ ہوندا ہے ۔ ایس خبر دے پھیلن بعدوں لون چار گنا وادھو قیمتاں تے وکیا۔انڈیا ٹوڈے دسیا پئی کانپور وچ جداں لون لین والیاں دا رش قابو توں باہر ہو گیا تاں لاٹھی چارج کرنا پیا اتے اک زنانی بھیڑ پاروں مر گئی۔آندے نیں جھوٹ ایڈا بولو کہ اوہ سچ لگن لگے۔بس سوشل میڈیا ایس دا وڈا ثبوت جے۔اصل وچ لوک کسے وی پوسٹ نوں لائیک، ٹوئیٹ یا شیئر کرن دا فیصلہ صحیح یا غلط دی تھاں پسند یا ناپسند دی بنیاداں تے کردے نیں۔تساں وی اینج ہی کردے ہو؟ایہہ ڈیجیٹل عہد جے، ہلے تے پارٹی شروع ہوئی ہے۔2017وچ تے کم ہور 30تے جا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels