Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> تہاڈے لئی اصلی سونے دا ٹاٹلٹ

تہاڈے لئی اصلی سونے دا ٹاٹلٹ

جمیل اختر
November 27th, 2016

ایہہ مذاق نئیں سگوں حقیقت اے کہ ایہہ سونے دا اصلی کموڈ اے ، تے اوہ کسے ارب پتی بندے دے محل وچ نئیں سگوں اک عوامی تھاں تے عام لوکاں لئی بنائے ہوئے ایک ٹائلٹ وہ لگیا ہویا اے جنہوں ہر کوئی ورت سگدا اے۔

کجھ لوکی ہر روز باقاعدگی دے نال اخباراں تے میڈیا تے صر ف ایس پاورں جاندے نیں کہ اج سونے دےبھا کیہ نیں۔ بوہت سارے ایہوجئے لوکی وی نیں جیہڑے پیسہ پیسہ جوڑ کے سونا خریدے نیں۔ بوہت سارے ملکاں دے مرکزی بینک اپنی کرنسی دی ساکھ لئی اپنے کول اک خاص تناسب دے نال سونا رکھدے نیں۔

سونا زیوراں تو انج بوہت سارے سائنسی آلیاں دی تیاری لئی وی ورتیا جاندا اے۔

پر خبرے تہانوں ایہہ پتا نہ ہووے کہ نیویارک دا اک عجائب گھر سونے نوں اپنے کیہڑے مقصد لئی استعمال کر رہیا اے۔

جے تہانوں نیویارک دے مشہور آرٹ میوزیم گوگن ہیم جان دا موقع ملے تے اوتھے تہانوں اچانک ٹاٹلٹ جان دی لوڑ پئے جائے تے باتھ روم دا دروازہ کھولدے ای تہانون جھٹکا جیا لگے گا۔ کیوں جے اوہ 18 کیڑٹ اصلی سونے دا اے۔

پر تہانوں ایہہ دھیان وچ رکھنا چاہیدا اے کہ باتھ روم استعمال کرن لئی تہانوں دو گھنٹے یا اس توں ودھ انتظارکرنا پئے سگدا اے۔کیوں جے باتھ روم وچ جان والیاں دی قطار بوہت لمی ہوندی اے۔
ایہہ کوئی ماڈل یا نمائشی ٹائلٹ نئیں اے سگوں بالکل اصلی تے استعمال ہون والی ٹائلٹ اے، تے اہنوں آرٹ دے اک اعلی نمونہ آکھیا گیا اے۔

ایس ٹائلٹ دا افتتاح اس سال ستمبر وچ ہویا سی۔

ایس نوں اٹلی دے اک آرٹسٹ موریزیوکیٹلن نے بنایا اے تے اوہنے اپنے ایس فن پارے دا ناں رکھیا اے 'معاشی نابرابری'۔

عجائب گھر والیاں دا کہنا اے کہ اک آرٹ نوں ٹائلٹ دی شکل وہ پیش کرنا چنگی گل تے نئیں اے ، پر آرٹسٹ دا مقصد لوگوں نوں اساڈیاں قدراں دے معاشرے دی حقیقتاں دا احساس دوانا اے۔ ٹائلٹ نوں بندے دی فطری ضرورتاں لئی ورتن دا مقصد تے صرف اک فی صد اے۔

نیویارک ٹائمز نے اپنی اک رپورٹ وچ لکھیا اے کہ ٹائلٹ بوہت چمکدار اے، اہنوں ورتن توں بعد فلش کرنا ، تے اصلی سونے توں صاف پانی دا بہنا، تے سونے دے نال ٹکران توں بعد آن والی خاص اواز سننا بوہت چنگا لگدا اے۔

اخبار نئیں لکھیا اے کہ سونے سی ٹاٹلٹ نوں باتھ روم وچ لگان لئی کافی مشکلاں سن۔ ایس لئی اوہ اپنے وقت تے مکمل نئیں ہویا تے اوہدے افتتاح دی تاریخ نوں اگے ودھانا پیا۔

ہن تسی ایہہ پوچھو گے کہ ایس ٹائلٹ دی قیمت کی اے۔ پہلی گل تے ایہہ اے کہ سونا ہوندا ای قیمتی اے۔ اینا وزنی ٹائلٹ یقینی طور تے لکھاں ڈالراں دا ہووے گا۔
پر عجائب گھر دی انتظامیہ ٹائلٹ دی قیمت لکا رہی اے۔ اوہنا ں دا آکھن اے کہ ایس ٹائلٹ دی تیاری دے سارے خرچے اک امیر بندے نے چکے نیں جنہوں آرٹ نال بوہت دلچسپی اے۔ اوہنے ایہہ وی آکھیا اے کہ کسے نوں اوہدا ناں نہ دسیا جائے۔

گوگن ہیم میوزیم دا سونے دا ایہہ واحد ٹائلٹ پنجویں فلور تے لگیا ہویا اے تے میوزیم دیکھن لئی آن والا ہر بندہ چاہے اوہ امیر ہووے یا غریب، اہنوں استعمال کر سکدا اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels