Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> کتیاں لئی ٹیلی ویژن چینل

کتیاں لئی ٹیلی ویژن چینل

جمیل اختر
May 8th, 2014
5 / 5 (1 Votes)




شاید تسیں ایہنوں مذاق سمجھو، پر ایہہ اک حقیقت اے کہ امریکہ وچ کتیاں لئی وی ایک ٹیلی ویژن چینل موجود اے جیہڑا 24 گھنٹے تے ہفتے دے ستو دن کتیاں لئی پروگرام ٹیلی کاسٹ کردا اے۔ ایس چینل دا ناں اے ڈاگ ٹی وی(ٍDOGTV)


ایس ڈیجیٹل چینل دی شروعات دو سال پہلے ہوئی سی۔ چینل چلان والیاں دا خیال اے کہ جد گھر دے لوکی اپنے کم کار تے چلے جاندے نیں تے کتے گھر وچ اکلاپے پاروں بور ہوندے رہندے نیں۔ جس دی وجہ توں اوہناں وچ نفسیاتی بیماریوں دا خطرہ ودھ جاندا اے۔ جس کتے نوں کوئی نفسیاتی بیماری لگ جائے تو اوہدا مزاج تے اخلاق خراب ہوجاندا اے۔ اوہ اپنے مالکاں نال بدتمیزی کردا اے۔ اوہناں دا آکھا نیںت من دا تے اوہناں نوں تنگ کرن لئی نقصان کردا اے۔

ڈاگ چینل نیں اپنے پروگراماں لئی پالتو جانوراں دے کئی ماہراں دی مدد وی لتی ہوئی اے۔ کتیاں کیتے پروگرام بناندیاں ہوئیاں اوہناں دی نفسیات تے اوہناں دے طرز عمل نوں وی ساہمنے رکھیا جاندا اے۔ اہناں پروگراماں وچ اوہ رنگ بہتے ورتے جاندے نیں جنہوں ویکھ کے کتے خوش ہوندے نیں، تے ایہہ خوشی اوہناں دی اکھاں دی چمک تے چہرے اتے صاف ویکھی جاسکدی اے۔

ڈاگ چینل تے وکھائے جان والے فیچرتے پروگرام تین منٹ توں لے کے چھ منٹ تیکر ہوندے نیں۔ کیوں جے کتے پروگرام توں بور ہوجاندے نیں۔ پر ایہہ نیںت دسیا گیا کہ بور ہون توں بعد اوہ اپنی ناراضی کیویں ظاہر کردے نیں۔ کیہ اوہ اپنی تھوتھنی چک کے بھونک ماردے نیں یا ٹیلی ویژن دی سکرین نوں چک پالیندے نیں۔

ڈاگ چینل دا آکھنا اے کہ اوہ کتیاں لئی تین قسماں دے پروگرام ٹیلی کاسٹ کردا اے۔ پہلی قسم دے پروگراماں وچ ایہو جیاں چیزاں پیش کیتیاں جاندیاں نیں جنہوں ویکھ کے کتے سکون تے آرام محسوس کردے نیں۔ دوجی قسم دے پروگرام اوہناں دی تربیت پاروں ہوندے نیں تے ایہناں پروگراماں وچ اوہناں نوں چنگے کماں ول دھیان دوایا جاندا اے۔ شاید ایہناں چنگے کماں وچ اپنے مالک دی تابعداری وغیرہ شامل ہوندی ہووے گی۔ تیجی قسم دے پروگرام کتیاں نوں صحت مند رکھن لئی پیش کیتے جاندے نیں۔ ایہناں پروگراماں وچ اوہناں نوں دوڑنا ، چھلانگاں مارنا، کتا گڈی چلانا تے ایسے طراں دے دوجھے کم سکھائے جاندے نیں۔ ایہدی وجہ ایہ اے کہ امریکہ کے پالتو کتیاں کی اک وڈی تعداد اچھی خوراک کھا کے سارا دن لیٹی یا سستی رہندی اے، جس پاروں اوہ بہت موٹے ہوگئے نیں۔ کتے پالن والیاں لئی کتیاں دا موٹاپا ایک وڈا مسئلہ تے پریشانی بن دا جارہیا اے۔

ڈاگ چینل ویکھن والیاں دی تعدا دکجھ گھٹ نیں اے۔ اک اندازے مطابق ایہہ چینل ویکھن آلے اک کروڑ توں ودھ نیں ۔ پر چینل والیاں نیں ایہہ نیں دسیاں کہ اوہناں وچوں کتے تے بندے کنے نیں۔ کیوں جے اوہناں دا دعویٰ اے کہ اوہناں دے پروگرام کتے تے اوہناں دے مالک دوویں بہت پسند کردے نیں۔

چینل دا ایہہ دعویٰ وی اے کہ کتیاں وچ اوہناں دے پروگرام ویکھن دا شوق ودھ رہیا اے تے اوہ اپنی پسند دا پروگرام شروع ہون توں پہلاں ای ٹیلی ویژن دے ساہمنے بیھ جاندے نیں۔

کتے تے بلیاں پالنا امریکیاں دا پسندیدہ مشغلہ اے۔ اک جائزے وچ دسیا گیا اے کہ امریکہ دے تقریباً سوا چار کروڑ گھراں وچ گھٹو گھٹ اک کتا موجود اے ۔ پالتو جانوراں دی خوراک تے اوہناں دی مصنوعات بنان والی انڈسٹری ہر سال ارباں ڈالراں دا کاروبارکرری اے۔ تے شاید تہانوں ایہہ جان کے وی حیرانی ہووے کہ اکثر لوکی اپنے پالتو کتیاں دی ہیلتھ انشورنس وی کرداندے نیں۔ کیونکہ انشورنس کے بغیر کتیاں دا علاج تے اوہناں دی دیکھ بھال بہت مہنگی اے۔

ڈاگ چینل کیبل نیٹ ورک تے انٹرنیٹ دوہاں تے موجود اے۔ پر تسیں ایہہ چینل مفت نیں ویکھ سکدے۔ ایس لئی تہانوں ہر مہینے پنج توں لے کے دس ڈالر فیس دینی پئے گی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels