Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> نسخہ

نسخہ

مشتاق عالم گوگا
September 4th, 2013
5 / 5 (1 Votes)

نسخہ

بڑا رشتہ سس تے نونہہ دا
گھر اِکو ہوندا دونہہ دا
ماں دھارے روپ جے سس دا
نہیں پُتر دا گھر وس دا
پر ہوندا اے رب دا کرنا
ہر نونہہ سس نے لڑنا
اک نکی جہی گل سی
جنگ مَچی چل سو چل سی
نونہہ ودھ ودھ اگوں بولدی
سس نونہہ دے پچھلے نولدی
اوہ لڑائی وچ دوویں رُجھیاں
اتوں شاماں نیں آ پُجیاں
بُھکھ نال وِلکدے بال سی
نہ پکی روٹی دال سی
نونہہ اُٹھ سویرے فجرے
یعنی منہ منہرے سجرے
آ گئی سی ڈیرے پیر دے
دکھ سنی بابا دلگیر دے
میری بڑی کپتی سس آ
میرا نہ چلدا وس آ
مینوں تیری قسم آ
جیہڑا میرا خصم آ
او نِرا ای جُھڈو بابیا
بڑی ماں دی کر دا تابیا

بابا جی :
چُپ کر کڑے مر جانیے
اسیں آپ دِلاں دیاں جانیے
آ لے جا دو تویت نی
ایہدے وچ اے تیری جیت نی
اک رکھیں تھلے داڑھ دے
اک جاندیاں ای توں ساڑ دے
ہن سس نے جد وی بولنا
توں اگوں منہ نہیں کھولنا
اوہنے جنا بوہتا کھپنا
توں اونا منہ نوں نپنا
نونہہ اجے ویہڑے وڑی نہیں
بلکہ دہلیزاں چڑھی نہیں
سس نے آوندیاں بوچیا
نونہہ نے کُجھ نہیں سوچیا
تویت منہ وچ پا لیا
بُلھاں نوں تالا لا لیا

سس آپے کھپ کھپا کے
چپ کر گئی ہف ہفا کے
جدوں نونہہ بولن تو رُک گئی
گوگے لڑائی مُک گئی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels