Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> کسے نوں میں بُرا آکھاں میری کیہ مجال اے

کسے نوں میں بُرا آکھاں میری کیہ مجال اے

مشتاق عالم گوگا
August 23rd, 2013


ہر اک بندہ ایتھے کردا کمال اے
کسے نوں میں بُرا آکھاں میری کیہ مجال اے

عوام دی سوکھتا لئی بنے ایتھے تھانے نے
کم کسے کیتا اے غریب پھڑے جانے نے
چوری کسے کیتی اے چھتر کسے کھانے نے
ایہناں دے قریب ایہو چیمے چٹھے رانے نیں

غریباں نوں تے تھانے وچ پیندی بڑی گال اے
کسے نوں میں بُرا آکھاں میری کیہ مجال اے

بڑے نیک نامیں ایتھے واپڈا والے نے
جیہنے اتوں گورے نے اوہنے وچوں کالے نے
ہر مہینے بِلاں وچ ہوندے گھالے مالے نے
یونٹاں دا حساب نہیں پئی کنے کسے بالے نے

انھے واہ پایا ہوندا ٹیکس ایہناں نال اے
کسے نوں میں بُرا آکھاں میری کیہ مجال اے

ہر پاسے لوکاں نے پائی ہوئی انھی ایں
پیسے باجوں جاندی ایتھے کسے دی نہ منی ایں
امیر ماڑے ساقاں کولوں کھاندا پیاکتی ایں
گل کر کسے نوں ون تے سونی ایں

الٹا جواب اے تے الٹا سوال اے
کسے نوں میں بُرا آکھاں میری کیہ مجال اے

وکھرا ای ٹوہر بنایا اے صحافیاں
کسے لیڈر شیڈر نوں نہیں اے معافیاں
کسے کولوں پیندے نے چاہ نالے کافیاں
کسے نال کردے نے نہ انصافیاں

سُٹ دے نے ساریں تے لفظاں دا جال اے
کسے نوں میں بُرا آکھاں میری کیہ مجال اے

مُلکی نظام ایتھے سارا ای خراب اے
جو کجھ ویکھدے آں لگدا اے خواب اے
سوال دینیات دا ریاضی چ جواب اے
بُرقعے چ مولوی تے بُڈھی بے نقاب اے

میدانِ جنگ بنی سی مسیت ایتھے لال اے
کسے نوں میں بُرا آکھاں میری کیہ مجال اے

آخر وچ چیتے رکھو گوگے دا سہڑہ پئی
جے رئیے دیندے اک دوسرے نوں گھیڑہ پئی
اجڑے گا سُکھ نال وسدا جو ویہرہ پئی
میری اِس گل دا نہ سمجھو بکھیڑا پئی

آ جاندا ایتراں قوماں تے زوال اے
کسے نوں میں بُرا آکھاں میری کیہ مجال اے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels