Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> کمینے ملکاں وچ پھسی وینا ملک

کمینے ملکاں وچ پھسی وینا ملک

April 10th, 2012
4.5 / 5 (6 Votes)

گھر وچ نادیہ خان دے شو دا بڑا رولا سی ، میں ویکھیا تے نہیں پر سوچیا شیدے نے ویکھیا ہونا اوسے کولوں پچھ لواں گا۔ شیدا تے ایہو جیہے شوواں دا کیڑا ہے۔ سو میں شیدے کولوں پچھیا بئی ایس شو دا رولا کیہہ سی؟
شیدا کہن لگا "ایس شو دا ناں ہونا چاہیدا سی کمینے ملکاں وچ پھسی وینا ملک"
میں پچھیا اوہ کیوں؟
شیدا کہندا "اوئے بونگیا تینوں تے ایہہ وی نہیں پتہ وینا ملک ہے کون۔ پہلاں تے تینوں ایہہ دس دیاں جو وینا ملک نے بڑے بڑے انوکھے کم ہندوستان وچ کیتے تے اخیر اوس نے کافی سارے کپڑے لاہ کے اپنیاں تصویراں کچھوا کے ویچیاں"
میں کہیا "یار ایہہ تے بڑی شرم والی گل ہے، قوم نوں ڈوبن والی"
شیدا تڑفیا تے کہن لگا" توں وی اوہناں کمینیاں ملکاں وچوں ہی نکلیوں جیہڑے کل نادیہ خان شو وچ اوس نوں ایہو جیہیاں گالاں کڈھ رہے سن"
میں کہیا تے ٹھیک ہی کڈھ رہے سن نا، توں سانوں کمینہ کیوں کہنا ایں؟
شیدا کہندا "توں ہی مینوں اک واری دسیا سی جو اک کاہڈ مطابق پاکستانی دنیا وچوں ننگیاں فلماں ویکھن وچ نمبر اک ہین، کہیا سی نا توں؟ "
ہاں میں کہیا سی پر ایس گل دا وینا ملک نال کیہہ تعلق ، میں جواب دتّا
"تعلق؟ اوہو بندے جیہڑے گھراں وچ بہہ کے ننگیاں فلماں ویکھدے ہین اوہو باہر ٹی وی تے آکے وینا ملک نوں گالاں کڈھ رہے ہین۔ ایہہ کمینہ ہونا نہیں تے کیہہ ہے؟ ساڈی قوم ورگی منافقاں دی قوم ساری دنیا وچ نہیں ہے۔ ایتھے ہر بندہ سب شرعی عیب کردا پھردا ہے تے فحاشی، بے ایمانی دے خلاف جلوس وی کڈھدا ہے"
میں کہیا ایہہ تے گل ٹھیک ہے پر یار جو توں دسیا اوس توں وینا ملک کیویں بری ہو گئی؟
شیدا ہور تڑفیا"مینوں ایہہ نہیں پتہ وینا ملک ٹھیک کر رہی ہے یا غلط۔ اوہ کہندی ہے میں اعلانیہ کم کرنی ہاں تے پیسے کمانی ہاں تے تسیں سارے گند ویکھن لئی پیسے دیندے ہو تے میرے نالوں کتے ودھ گندے ہو۔ اچھا توں دس ، ایس سارے محلے کیہہ سارے شہر وچ تھاں تھاں تے رنڈی بازی نہیں ہو رہی؟ چل ایس نوں وی چھڈ۔ ہر روز اخبار وچ آوندا ہے جو فلانا قوم دے دس ارب ہڑپ کر گیا تے فلاناں ویہہ ارب۔ کیہہ ایہ وینا ملک نالوں چنگے بندے نیں؟"
شیدیا توں گل نوں کتے دا کتے لے جانا ایں۔ تیرا وی کوئی پتہ نہیں لگدا ۔۔
شیدا کہندا "تینوں پتہ ہے ایتھے ہر بندہ پیسہ کماون لئی کجھ وی ویچن لئی تیار بیٹھا ہے۔ ہر بندہ دوجے نوں چھرا مارن نوں پھردا ہے۔ ہر بندہ نہیں تے بہتے ننگیاں فلماں تے ننگے کماں پچھے بھج رہے نیں ، تے پھیر دس وینا ملک کوئی انوکھا کم کر رہی ہے ۔ میں تے ایہو کہاں گا جو وینا ملک کمینے ملکاں وچ پھسی ہوئی اے"


Share |


 

Depacco.com


 

 

Visitors Comments

Name:Sarwar Sukhera
Date:12th April

Comment: Dr. Saheb, you should have more of such articles. Please stop giving us lectures on Shah Hussain & Co.
It may come as a surprise to you that many like me belong to Punjab by birth and culture. Now you have started teaching us about Punjab as if we were immigrants from Sweden or something.
Please keep your blog readable and not pseudo intellectual. Get a job in some college to satisfy this urge of teaching.
I hope that after reading the above comments, you will not make a falls promise to come stay with me.


Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels