Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> دیسی 'بھنگ دے پکوڑے' تے ولایتی 'بھنگ چاکلیٹ'

دیسی 'بھنگ دے پکوڑے' تے ولایتی 'بھنگ چاکلیٹ'

وچار ڈیسک
March 17th, 2012
4.5 / 5 (2 Votes)

پنجاب وچ کدے بھنگ دے پکوڑے بڑے مشہور ہویا کردے سن تے منڈے کھنڈے مخول لئی دوجیاں نوں بھنگ دے پکوڑے کھوایا کردے سن۔ پر ہن خورے ایس مخول دی لوڑ نہیں رہوے گی کیوں جو اک امریکی کمپنی 'بھنگ چاکلیٹ' منڈی وچ لیاؤن دا منصوبہ بنائی بیٹھی ہے اتے اوہدے لئی ٹریڈمارک دی منظوری لئی ہتھ پیر مار رہی ہے۔

کمپنی وسیلیاں موجب ایہہ بھنگ چاکلیٹ پہلاں امریکا وچ وکے گی تے فیر ہولی ہولی ہندوستان اپڑے گی۔ ایس چاکلیٹ دا ناں ہووے گا 'بھنگ: اصلی بھنگ چاکلیٹ' جے ٹریڈ مارک لبھ جاندا ہے تے فیر ہور کوئی وی بندہ کسے ہور چاکلیٹ لئی بھنگ دا لفظ نہیں ورت سکے گا۔

رکسل ناں دی کمپنی نے پہلاں ای اک 'بھنگ چاکلیٹ کمپنی انکارپوریشن' دے ناں نال اک کمپنی بنا دتی ہے تے چاکلیٹ دی مشہوری لئی ایہہ کمپنی ٹی شرٹس، بیس بال ٹوپیاں اتے ہور نک سُک 'بھنگ چاکلیٹ' دے لوگو نال بنا رہی ہے۔ رکسل دا آکھنا ہے پئی اوہ بھلک وچ ایس چاکلیٹ نوں ساری دنیا وچ ویچنا چاہوندی ہے۔

رکسل دو طرحاں دیاں بھنگ چاکلیٹ بناؤنا چاہوندی ہے اک چٹی چاکلیٹ جیہدے وچ بھنگ دے بی اتے تیل ہووے گا تے دوجی کالی جیہدے وچ گانجا ہووے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels