Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> بال ادب: شاباش چو چو

بال ادب: شاباش چو چو

معروف احمد چشتی
March 2nd, 2012
5 / 5 (1 Votes)

    اِک ککڑی دے دس نکے نکے ننھے منے چوچے سن۔ اوہناں دا رنگ پیلا سی تے اےڈے نرم سن جویں رُوں ہووے۔ککڑی صبح صبح اپنے چوچیاں نوں لے کے کھےتاں وچ نکل جاندی۔اوہ زمین وچوں کےڑے مکوڑے لبھ کے آپ وی کھاندی تے اپنے بالاں نوں وی کھواندی۔ کیڑے مکوڑےاں توں علاوا گلےاں سڑےاں سبزےاں ،پھل تے اوہناں دے بی وی ککڑی دے بچے بڑے شوق نال کھاندے۔
ککڑی دے سب توں نکے چُو چے دا ناں سی چُو چُو۔ چُوچُوبڑا ای سیانا تے سوہنا چوچا سی۔اوہ اپنا کم آپ کردا تے اپنے بھراواں د اکم وی کر دیندا سی۔اس پاروں سارے گھروالے اوس نوں بڑا پیار کردے سی۔
    اِک دن کیہ ہوےا کہ چُوچُو نوں بخار ہو گےا۔ اوہ دانہ چُگن واسطے اپنے بھین بھراواں نال باہر نہ جاسکا۔ اوس دی ماں نے اوس نوں آکھیا کہ توں کُھڈّے وچ ارام نال پےا رہے تے سارے جی تیرے واسطے خوراک لیندے آون گے۔ چُوچُونے انج ای کےتا تے کُھڈّے وچ ارام کردا رہےا۔دُپہر نوں جدوں اوس دی ماں تے بھین بھرا اوہدے واسطے کےڑے مکوڑے، روٹی دے بھور تے دوجیاں چیزاں لے کے آئے تے چُوچُو نے پیٹ بھر تے کھانا کھادا ۔ مگر اوس نوں افسوس ہو رہےا سی کہ اوہ آپ تے سارا دن ارام نال لیٹا رہےا تے اوہدی ما ں تے اوہدے بھین بھرا اوہدے واسطے خوراک اکٹھی کردے رہے۔ اوس نوں شرمندگی ہو رہی سی کہ اوس نے تے اپنے بھین بھراواں واسطے کوئی کم نہیں کیتا سی پر اوہدے بھین بھرا اوہدے واسطے دُھپ وچ خوراک اکٹھی کر کے لے آئے۔
    اگلے دن وی چُوچُو دی طبیعت خراب رہی تے امی اوس نوں ڈربے وچ ارام کرن دی تاکید کر کے دوجے بچیاں نال چلی گئی۔ چُوچُو سوچ رہیا سی کہ اج فیر اوہدے بھین بھرا تے امی ابو اوہدے واسطے کھانا لے کے آؤن گے تے اوس نوں شرمندگی ہووے گی۔ اوہ دوجیاں دا محتاج نہیں ہونا چاہندا سی۔ اوہ تے آپ دوجیاں دے کم آنا چاہندا سی۔' 'مےنوں اپنے کم آپ کرنے چاہےدے نیں تے ےا فیر مینوںاپنی ماں تے بھین بھراواں دے کم وی کرنے چاہےدے نیں'' ۔ چُوچُو نے اپنے آپ نوں کہیا۔
     چُوچُو دی طبیعت خراب سی پر اوس نوں فضول بہنا چنگا نہیں لگدا سی۔ اوہ سوچن لگا کہ اوہ اپنے گھر والیاں واسطے کیہ کر سکدا اے؟ اچانک اوہدے ذہن وچ اک ترکیب آئی۔ اوہنے سوچیا' ' ویہلے رہن نالوں چنگا اے کہ میں گھر دی صفائی کر دیواں۔ اس طرح  میں وی اپنے بھین بھراواں دے واسطے کوئی کم کر لواں گاتے مینوں شرمندگی وی نہیں ہووے گی۔ امی وی خوش ہووے گی''۔
    ایہ سوچ کے چُوچُو نے گھر دی صفائی شروع کر دِتی۔ اوہنے تِیلے جوڑ کے بوکر بنائی تے گھر دی صفائی کرن لگ گیا۔جھاڑو دین توں بعد اوہ گھر دے ساہمنے تالاب وچوں پانی بھر لےایا تے فرش اُتے چھڑکا کر دِتا۔ہُن اوہ خُش سی کہ اوہ کوئی کم تے کر رہیا اے۔ اےناکم کرن تو ں بعد اوہ تھک گےا تے ارام کرن واسطے لیٹ گےا۔دوپہر جدوں اوہدی امی اپنے دوجے بالاں نوں لے کے واپس آئی تاں صاف سُتھراگھر ویکھ کے حیران رہ گئی۔'' اےہ ساڈا گھر اینا سوہنا کس نے بنا دےتا اے؟''
''امی جی،میں صفائی کیتی اے۔'' چُوچُو نے جواب دِتا۔ ''کیہ!!! چُوچُو کیہ توں اینا سارا کم آپے کیتا اے؟'' چُوچُو دے بھین بھرا حیران ہو کے بولے۔ ''ہَنجی، میں آپ کیتا اے۔'' چُوچُو نے فخر نال جواب دِتا۔
''واہ بئی واہ.....ساڈا چُوچُو تاں بڑا سیانا ہو گےا اے'' چُوچُو دے بھرا نے خوش ہو کے کہیا ۔
'' چُوچُو بھائی توں تے بڑا چنگا ایں۔'' چُوچُو دی بھین بولی۔
''شاباش میرے بچے، توںبڑا بہادر ایں۔ توں تے بخار توں وی نہیں ڈردا۔'' چُوچُو دی امی نے اوس نوں پیار کردے ہوئے کہیا۔
چُوچُواپنی تعریف سن کے بڑا خُش ہو رہےا سی ۔خشی نال اوس نوں بخار وی محسوس نہیں ہو رہےا سی تے اوہنوں شرمندگی دا ساہمنا وی نہیں کرنا پےا سی۔ آخر اوس نے وی اپنے بھین بھراواں واسطے کم کیتا سی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels