Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> ٹٹواں دا ٹٹو تے لُکن میٹی

ٹٹواں دا ٹٹو تے لُکن میٹی

امریک سرحدی
February 25th, 2012

وچار وچ  خارجہ وزیر حنا ربانی کھر  دابیان پڑھیا جیس وچ اوہناں کہیا سی جو پاکستان دا برطانیہ نال کوئی پھڈا نہیں ۔ مطلب پاکستان نوں صرف  امریکہ نال مسئلہ ہے کیوں جو اوہناں ایہہ وی کہیا کہ ہُن امریکہ نال لکن میٹی والی کھیڈ  نہیں چلے گی: ہر گل سامنے نتا رکے ہووے گی۔
ساڈے اک سوجھوان بیلی بڑے دناں توں اک نظریہ بنا رہے ہین جیس دے مطابق برطانیہ برصغیر وچ اپنے پرانے راج  دی چس لینا چاہندا ہے تے اوہ ایس لئی  اوہ پاکستان نوں  چُک  چُکا کے امریکہ نال لڑواندا ہے۔ ساڈے ایہہ بیلی ہر نویں واپری نوں برطانیہ دی سازش دے خاتے وچ پادیندے ہین۔ مینوں یقین ہے جو حنا کھر دے بیان توں مگروں تے اوہ چھالاں مار رہے ہوون گے تے کہہ رہے ہوون گے "ویکھیا میں نہیں کہندا ساں؟"
میرے خیال وچ ساڈے بیلی بھولے بادشاہ ہین تے حنا کھر پاکستانی فوج دی چاتر بولاری۔ برطانیہ برصغیر وچ اپنا راج قائم کرن جوگا ہی نہیں، اوہ تے دوجی وڈی جنگ توں مگروں ہر عالمی مسئلے وچ امریکہ دا ٹٹو ہے۔ سگوں امریکہ یورپی ملکاں خاص طور تے فرانس نال نبڑن لئی برطانیہ نوں ٹٹو وانگ ورتدا ہے۔ ساڈے خیال وچ کوئی اجیہا عالمی مسئلہ نہیں جیس تے برطانیہ نے امریکہ دے وردھ پالیسی ورتی ہووے۔
برطانیہ بہتی واری امریکہ دے خفیہ ٹٹو  دا  کم  کردا ہے جیس راہیں امریکی اپنی پالیسی تے عمل کرواندے ہین۔ جدوں امریکہ نوں لگدا ہے جو کسے ملک وچ اوس دی پالیسی سدھی ساہویں نہیں چل رہی تے اوہ برطانیہ دے خارجہ محکمے نوں کہندا ہے کہ اوہ گل بات اگے تورے۔ برطانیہ نال حنا ربانی کھر دی گل بات وی امریکیاں دے کہن تے ہی ہو رہی ہے۔ حنا ربانی کھر ہوراں نوں ایہہ پتہ ہی ہووے گا (یا ہو سکدا ہے نہ ہووے) جو  پاکستان امریکہ دی تھاں برطانیہ نال گل بات کرکے اوہ اک ٹٹو دا ٹٹو بن رہیا ہے۔ ایہہ ایس لئی جو برطانیہ آپ تے ہُن ٹٹو پالن جوگا رہیا ہی نہیں ، اوہ پاکستانی فوج نوں ارباں ڈالر کھوا ہی نہیں سکدا، آئی ایم ایف وچوں قرضہ نہیں دوا سکدا تے پھیر اوہ پاکستان ورگا اڑیل ٹٹو کتھوں پال سکدا ہے؟
دوجی گل حنا کھر ہوراں  امریکہ نال لُکن  میٹی نہ کھیڈن دی کیتی۔ اوہناں  نوں کوئی پُچھے جو اوہدے اصلی باس  "فوجیاں" کدی کوئی چاننے وچ کھیڈ کھیڈی ہے؟ اوہ تے پورے ملک نال سدا توں لُکن میٹی کھیڈدے آئے ہین۔ ہُن اوہ اک پاسے زرداری حکومت نال لُکن میٹی کھیڈ رہے ہین تے دوجے پاسے بلوچاں نال۔ اوہ تے امریکہ نال وی لُکن میٹی ہی کھیڈ رہے ہین تے کھیڈدے رہن گے۔ اتوں اتوں امریکہ دے خلاف رولا پائی جاندے ہین تے وچوں امریکیاں دیاں بہتیاں منگاں وی پوری کری جار رہے ہین۔ نیٹو دا سامان لنگھن وی دیندے تے نیٹو دا ساماں پاکسنوں لنگھ کے افغانستان پہنچ وی رہیا ہے۔
فوج ہی کیہہ حنا تبانی کھر نوں کوئی پچھے جو پاکستان دی پوری حاکم کلاس  لوکائی نال لُکن میٹی نہیں کھیڈ تے ہور کیہہ کر رہی ہے؟ جاگیردار طبقے  دی  خاندانی سیاست دان ہوندیاں حنا ربانی کھر نوں صاف پتہ ہے جو پاکستان دے حاکم  اندر باہر لُکن میٹی ہی کھیڈ سکدے ہین: چاننے وچ آون تے اوہناں دے چہریاں نوں خلقت ڈر کے ہی مر جاوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels