Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> نکی عمر دیاں ووہٹیاں دے نفسیاتی مسئلے

نکی عمر دیاں ووہٹیاں دے نفسیاتی مسئلے

وچار ڈیسک
September 1st, 2011
5 / 5 (1 Votes)

امریکی کھوجیاں دا خیال ہے جو اٹھاراں سال دی عمر توں پہلوں ویاہ کرن والیاں کڑیاں نوں اگلے سالاں وچ کئی نفسیاتی مسئلیاں دا ساہمڻا کرنا پیندا ہے۔

نفسیاتی ماہراں دی سجری ریسرچ وچ دسیا گیا ہے جو اوہ کڑیاں جیہناں دے ویاہ اٹھاراں سال دی عمر توں پہلوں ہوجاندے نیں، اوہ ویلا لنگھڻ دے نال کئی جسمانی بماریاں توں اڈ نفسیاتی مسئلیاں دا ساہمڻا کردیاں نیں۔ اٹھاراں سال دی عمر وچ جیہناں کڑیاں دے ویاہ ہوندے نیں اوہ ذہنی طور تے بہت صحت مند رہندیاں نیں تے اوہناں نوں نفسیاتی گنجلاں دا ساہمڻا کرنا پیندا ہے۔

ایس ریسرچ وچ فوکس ایشیا تے افریقہ دے اوہ ملک سی جتھے بچپنے وچ ویاہواں دی ریت ہے۔ نکی عمرے ویاہواں بارے نویں ریسرچ بالاں دے بین الاقوامی طبی اخبار پیڈیارٹکس وچ چھاپی گئی ہے۔ ایس ریسرچ لئی حکومتی پدھر تے کیتی جاڻ والی ریسرچ نوں معیار بڻایا گیا سی۔ ایہہ ریسرچ سن دو ہزار اک توں دو ہزار دو وچ پوری کیتی گئی سی۔ ایس ریسرچ وچ امریکہ تے فرانس دے نفسیاتی کاہڈو بہتے پیش پیش سی۔

نفیساتی ماہراں دا خیال ہے جو اٹھاراں سال دی عمر وچ یاں ایہدے مگروں جیہڑیاں کڑیاں دے ویاہ ہوندے نیں اوہ ذہنی اعتبار نال کئی سماجی تے وسیبی مسئلیاں توں اڈ طبی معاملیاں دی وچار وی رکھدیاں نیں تے ایہہ سیانف اوہنان دی نجی زندگی وچ پریشانیاں توں بچڻ وچ مددگار ہوندی ہے جدوں کہ ایہدے مقابلے وچ گھٹ عمر وچ ویاہ کرن والیاں کڑیاں ڈپریشن توں اڈ کئی وچلے گنجلاں دا شکار ہو جاندیاں نیں۔

ایہہ گل سوادی ہے پئی اٹھاراں سال دی عمر وچ کیتے جاڻ والے ویاہ تے ایہدے توں گھٹ عمر وچ ویاہ ووہٹیاں لئی نفسیاتی تے جسمانی بماریاں بارے ایہہ پہلی اہم ریسرچ ہے جیہدے سٹے نوں اُچیچی سٹڈی دے مگروں عام کیتا گیا ہے۔ ایس ریسرچ وچ امریکہ وچ نکی عمر وچ ماں بڻن والیاں کڑیاں دی وچار نوں وی رلایا گیا ہے۔ امریکہ دے کالیاں دے اُچیچے میلاں وچ نکی عمرے کڑیاں دے ویاہ کرن دی ریت موجود ہے۔

ریسرچرز نے ایس کھوج لئی ہزاراں زنانیاں دے انٹرویووی کیتے ۔ایہدے توں اڈ سوالنامیاں نوں وی پورا کیتا گیا۔ ریسرچ موجب نکی عمر وچ ویاہ کرن والیاں کڑیاں بعضے ویلے انج دی نفسیاتی صورت حال دا ساہمڻا کردیاں نین پئی اوہ اپڻے خانداناں تے وسیباں وچ مس فٹ ہو کے رہ جاندیاں نیں۔ ریسرچرز نے ایہہ وی ضرور دسیا پئی نکی عمر وچ ویاہ کرن والی ہر کڑی ضروری نہیں جو نفسیاتی مسئلیاں دا شکار ہوکے پر بہتا ایہہ ویکھڻ وچ آیا ہے جو انج دے ویاہواں نال نفسیاتی بماریاں جنم لیندیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels