Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> بال جم دیاں ہی گڻتی بدل جاوے گی

بال جم دیاں ہی گڻتی بدل جاوے گی

وچار ڈیسک
June 22nd, 2011

چھیتی ہی دنیا دی آبادی ست ارب ہوڻ والی ہے۔ ایہہ ست اربواں بال دنیا دے کس علاقے وچ جمے گا ایہدے بارے قیافے لائے جارہے نیں۔

ہوسکدا ہے اوہ حاملہ زنانی ایشیا وچ ہی ہووے، جیہدے بال دے جمدیاں ہی دنیا دی آبادی ست ارب ہو جاوے گی۔ اقوام متحدہ دی آبادی بارے شعبے نے پیش گوئی کیتی ہے جو ایہہ تاریخی بال 31 اکتوبر نوں جمے گا۔ سٹے بازاں موجب ایہہ بال ایشیا وچ جمے گا۔ ایہدا کارن ایہہ ہے جو ایشیا وچ سورج دنیا دے دوجے ملکاں نالوں پہلوں چڑھدا ہے۔ جے ایہہ ٹھیک کہندے نیں تے اک معقول شرط وی لائی جاسکدی ہے جو اوہ بال آبادیاتی بدلی دا حصہ بڻ دیاں ہوئیاں کسے شہر وچ حیاتی لنگھاوے گا۔ایشیائی ترقیاتی بینک موجب سن دو ہزار بائی دے ادھ تیکر ایشیا وچ پہلی واری انج ہووے گا جو اوتھوں دی ادھی توں بہتی آبادی پنڈاں تھاواں دی تھاں شہراں وچ رہوے گی۔

حقیقت وچ اقوام متحدہ ولوں ست اربویں بال دا آدر نشانی دا ہی ہووے گا۔ ہر گھنٹے ہزاراں بال جم دے نیں تے ایس آدر دے حقدار بال تیکر اپڑیا نہیں جاسکدا۔

ایس توں پہلوں چھ اربویں بال دا استقبال اقوام متحدہ دے گذریل سیکرٹری جنرل کوفی عنان نے کیتا سی۔ ایہہ بال باراں اکتوبر انی سو نڑینوے نوں بوسنیا وچ جمیا سی تے ہڻ اوہدی عمر گیاراں سال ہو گئی ہے۔ اک گویڑ موجب ایہہ بال جیہدے آؤندیاں ہی دنیا دی آبادی اٹھ ارب ہو جاوے گی دی پیدائش پندراں چون سن دو ہزار پنجھی نوں آس ہے۔ دنیا دی آبادی وچ مسلسل تے کالھ نال وادھا ہوندا جارہیا ہے۔

غریب ملک، جیہناں وچ آبادی وچ مسلسل وادھا ہورہیا ہے اوتھوں دی صورتحال تے قابو پاؤڻا بہت اوکھا ہے۔ ایہناں وسیباں وچ بھلک نوں وی بالاں دی پیدائش ودھدی رہوے گی۔ جے دنیا وچ بالاں دے جمڻ دی دُر برقرار رہی تے ایس دھاکے دے اخیر تیکر ایس دنیا تے انساناں دی کل گڻتی ستائی بلین ہو جاوے گی،جیہدا مطلب ایہہ ہویا جو اجوکی آبادی نالوں چار گنا ودھ۔ افریقی ملک نائجیریا دی آبادی دو ملین توں ودھ جاوے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels