Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> شراب دا رجحان: بال ماپیاں توں اثر قبول کردے نیں

شراب دا رجحان: بال ماپیاں توں اثر قبول کردے نیں

وچار ڈیسک
June 19th, 2011

برطانیہ وچ ہوئے اک نویں سروے موجب اوہناں بالاں وچ وڈے ہو کے روزانہ شراب پیڻ دے رجحان دونے ہوندے نیں جیہڑے اپنے ماپیاں نوں نشے دی حالت وچ ویکھدے نیں۔
سروے کرڻ واے برطانوی ادارے جوزف راؤن ٹری فاؤنڈیشن موجب لڑکپن وچ شراب پیڻ دی عادت دا سانگا نکیاں ہوندیاں ماپیاں ولوں صحیح توجہ نہ ملڻ تے وی ہوندا ہے جدوں کہ بیلیاں دی صحبت وی شراب پین ول لیاؤن وچ اہم ہوسکدی ہے۔

سروے موجب تسیں جنا بہتا ویلا سنگیاں نوں دیو گے اونے ہی شراب پیڻ دے امکان ودھڻ گے۔

ایس سروے وچ تیراں توں سولاں سالاں دی عمر دے پنج ہزار ست سو منڈیاں تے کڑیاں دیاں عادتاں نوں پرکھیا گیا جیہدے وچ ہر پنجاں وچوں اک بچے نے دسیا پئی اوہناں چوداں سال دی عمر وچ پہلی واری شراب پیتی جدوں کہ ایہناں بالاں وچوں ادھیاں نے دو ہزار چھ سو پنجاہ بالاں نے سولاں سال دی عمر وچ شراب پیڻ دا دعویٰ کیتا۔

برطانیہ وچ شراب دے رجحان نوں روکن لئی کم کرڻ والے الکوحل کنسرن دے پردھان ڈون شینکر دا کہڻا ہے پئی ایہہ سرروے ایس گل دی تصدیق کردا ہے پئی بال دی حیاتی دے شروع ہوندیاں ہی اوہناں دی بھلک دیاں عادتاں تے ماپپاں دا اثر ہوندا ہے۔

ایس رپورٹ دی کھوج وچ بہتا کردار ادا کرڻ والی پامیلا بریمز دا کہڻا ہے ایس کھوج نال پتہ لگیا ہے پئی خاندان تے سنگیاں دے ورتارے بالاں تے اثر پاؤندے نیں تے ایہدے نال پتہ لگدا ہے پئی ایہہ بال کیویں تے کنی شراب پیڻ گے۔

رائل کالج آف فزیشنز دا کہڻا ہے جو اوہنوں ایس گل دی حیرانی نہیں پئی سوکھیاں شراب ملڻا شراب پیڻ دے رجحاناں وچوں اک ہے۔ اوہناں کہیا سرکار نوں چاہی دا شراب دی قیمت ودھاؤڻ تے توجہ دیوے تے اوہدا گھٹ ملڻا اوہدیاں ترجیحاں وچ رلتی ہوڻا چاہی دا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels