Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> دنیا دا سب توں اُچا مجسمہ ہڻ ہندوستان وچ بڻے گا

دنیا دا سب توں اُچا مجسمہ ہڻ ہندوستان وچ بڻے گا

وچار ڈیسک
June 18th, 2011

ہندوستانی ریاست گجرات وچ دنیا دا سب توں اُچا مجسمہ بڻایا جاوے گا۔ حریت پسند تے ہندوستان دی آزادی دے ہیرو سردار ولبھ بھائی پٹیل دا ایہہ مجسمہ اک سو بیاسی میٹر اُچا ہووے گا تے اوہدے تے تن سو ملین ڈالر خرچہ آوے گا۔

ہندوستانی ریاست گجرات دے وزیر اعلیٰ نریندر مودی موجب 597 فٹ اُچا ایہہ مجسمہ سردار ولبھ بھائی پٹیل نوں سلاہڻ لئی بڻایا جارہیا ہے۔ میرا وژن ہے پئی میں اک مجسمہ بڻاواں جیہڑا آؤڻ والیاں نسلاں لئی کجھ کر گزرڻ دی ہمت دا کارن بڻے۔ گجرات حکومت دے بلارے موجب ولبھ بھائی پٹیل دا ایہہ لما مجسمہ اصل وچ اوہناں دیاں خدمتاں دا اک اشارہ ہے۔

ایس مجسمے دی تعمیر لئی ٹینڈر نوٹس جاری کر دتا گیا ہے۔ گجرات حکومت موجب کئی کمپنیاں ولوں عرضیاں ملڻ دے مگروں ایس مجسمے دی تعمیر لئی چنگی کمپڻی نوں دتا جاوے گا ۔Statue of Unity ناں دا ایہہ مجسمہ دریائے نرمدا دے کنڈے بڻایا جاوے گا تے جیہنوں نیڑیوں ویکھڻ لئی کشتی وچ بیٹھ کے جاڻا پوے گا۔ ایس ویلے دنیا دا سب توں اُچا مجسمہ اسپرنگ ٹمپل آف بودھا ہے جیہڑا اک سو اٹھائی میٹر اُچا ہے۔ ایہہ مجسمہ عوامی جمہوریہ چین دے صوبے ہنان دے دور دے قصبے لوشان وچ ہے۔

ہندوستانی تاریخ وچ ''مرد آہن '' دے ناں توں جاڻے جاڻ والے ولبھ بھائی پٹیل 1857 وچ گجرات وچ جمے سی۔ اوہناں برٹش راج توں آزادی لئی بڑیاں قربانیاں دتیاں تے ہندوواں نوں اک کرڻ لئی بڑا کم کیتا۔ مہاتما گاندھی دے نیڑلے سنگی سردار ولبھ بھائی پٹیل 1934 وچ کانگریس پارٹی دے آگو چڻے گئے سی اوہناں آزادی دی تحریک دی خاطر مہاتما گاندھی دے نال جیلاں وی کٹیاں۔'' ہندوستان چھوڑ دو '' تحریک وچ وی ولبھ بھائی پٹیل نے اہم کردار ادا کیتا۔ اوہ آزاد ہندوستان دے پہلے ہوم منسٹر بڻے تے اپنی اخیرلی حیاتی تیکر ہندوستان نوں ترقی دی راہ تے لائی رکھڻ دیاں کوششاں جاری رکھیاں۔ اوہناں 1950 وچ چلانا کیتا۔

دوجے پاسے کئی سماجی کارکناں نے نریندر مودی دے ایس منصوبے دی نکھیدی کیتی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels